AQSh-ta benzinmen júretin kólikterge qatysty talaptar jeńildetildi. Úlken munai jáne ónerkásip kompaniialary bul qadamdy ashyq qoldap otyr. Donald Tramp Djo Baiden kezeńinde kúsheitilgen otyn únemdiligi standarttaryn qaita qaraýǵa daiyn ekenin málimdedi, dep habarlaidy Dalanews.kz.
Burynǵy qatań talaptar avtokontsernderdi elektr kólikterine kóbirek qarjy salýǵa itermelegen. Endi jańa ózgerister otyndy kóp tutynatyn kólikterdi satýdy jeńildetpek.
Tramp ákimshiligi buǵan deiin de elektromobilderge berilgen jeńildikterdi toqtatyp, keibir taza energiia jobalaryn japqan.
Soǵan qaramastan, barlyq avtoóndirýshi bul jeńildikti paidalana berýge asyqpaidy. Mysaly, General Motors otyn shyǵyny men ziian shyǵaryndylardy azaitýǵa baǵyttalǵan jobalaryn jalǵastyrmaq. Degenmen kompaniianyń tolyq elektr kólikterine kóshý merzimi áli naqtylanbaǵan.
