Premer-ministrdiń birinshi orynbasary Roman Skliar Energetika, Qarjy, Ishki ister ministrlikteri, Qarjy monitoringi agenttigi, Ulttyq qaýipsizdik komiteti Shekara qyzmeti ókilderimen birge janar-jaǵarmai naryǵyndaǵy jaǵdai boiynsha keńes ótkizdi, dep habarlaidy Dalanews.kz.
Kún tártibinde ishki naryqty janar-jaǵarmaimen turaqty qamtamasyz etý, shekara mańyndaǵy óńirlerdegi munai ónimderi ainalymyna baqylaýdy kúsheitý máseleleri qaraldy.
Energetika ministrliginiń málimetinshe, naryqtaǵy jaǵdai turaqty, otyn qory jetkilikti.
Jiyn sońynda premer-ministrdiń birinshi orynbasary jaýapty memlekettik organdarǵa munai ónimderiniń zańsyz aǵynyna jol bermeý, memlekettik shekarada baqylaýdy kúsheitý boiynsha egjei-tegjeili jospar ázirleýdi tapsyrdy.
"Baǵadaǵy alshaqtyq pen logistika tapshylyq paida bolýyna ákep soqpaýy kerek. Bul másele Úkimettiń baqylaýynda", - dedi Roman Skliar.
