Aqmola oblysynda 2019 jyly belsendi Ǵaly Baqtybaevty Atasýdaǵy óz úıinde óltirip ketken adam sottaldy, - dep habarlaıdy Dalanews.kz tilshisi Aqmola oblystyq sotyna silteme jasap. Qylmystyq is sotta birneshe ret qaralǵan bolatyn. Sońǵy ret ol kisi óltirýdi uıymdastyrýshylar men oryndaýshylarǵa kezekti úkim shyǵarǵan Aqmola oblysynyń mamandandyrylǵan aýdanaralyq qylmystyq sotyna qaraýǵa jiberilgen. Qylmystyq is alqabılerdiń qatysýymen qaraldy. "Sot úkimimen tórt aıyptalýshy B., A., M. jáne J. qastandyq boıynsha adamdar tobynyń densaýlyǵyna ortasha aýyrlyqtaǵy zıan keltirgeni úshin; atys qarýyn qoldanýmen jasalǵan buzaqylyq; zańsyz satyp alý, saqtaý, qarý alyp júrý jáne qastandyq boıynsha adamdar tobynyń basqa adamdardyń ómirine qaýipti tásilmen ózimshildik nıetpen óltirýi úshin sottaldy (qastandyq boıynsha)", - deıdi sottaǵylar. Alqabıler tórteýin de qylmys jasaǵany úshin kináli dep tanydy. Osylaısha, qylmysty uıymdastyrýshylarǵa - B. jáne A. 15 jyl 6 aı bas bostandyǵynan aıyryldy. İstiń taǵy bir uıymdastyrýshysy A. "polısıa podpolkovnıgi" ataǵynan aıyryldy. Qylmysty bas oryndaýshysy M. 16 jylǵa bas bostandyǵynan aıyryldy, onyń áreketterinde qaýipti resıdıv tanyldy. Tórtinshi seriktes J. - ǵa 3 jyl bas bostandyǵynan aıyrý taǵaıyndaldy. Ol ony óteý merziminiń aıaqtalýyna baılanysty jazasyn óteýden bosatyldy. Úkim zańdy kúshine engen joq. Esterińizge sala keteıik, qandy qylmys 2019 jyldyń 28 mamyrynda bolǵan. Belsendi Ǵaly Baqtybaev óz úıinen atylǵan kúıi óli tabyldy. Tergeý boljamy boıynsha, qylmysqa tapsyrys berýshi - jergilikti kásipker Azamat Býkenaev jáne polıseı Ǵalym Ahmedjanov bolǵan. Tergeý málimetinshe, Býkenaev pen Ahmedjanov 1 mıllıon teńgege kıller jaldap, qarý bergen. Kıller 2019 jyly 28 mamyrda tapsyrysty oryndap, qashyp ketken. Sýret: Qazaqstan Media
- DALA INSIDE-qa ótý
- USD 482.7
- EUR 535.5
- RUB 5.37
![menu-image](/themes/dalanews/images/main_page.png)