– Iá, Lýkashenko Keńes ókimetinen kezindegi birqatar óndiris oryndaryn saqtap qaldy. Qazir «Maz» ben Belorýs traktor zaýyty sekildi óndiris oryndaryna memlekettiń bólgen azdaǵan qarjysyna ómir súrýde.
Elimiz naryqtyq ekonomıkaǵa kóshende júk kólikterin shyǵaratyn «Maz» zaýytyna Shvesıanyń áıgili Volvo kompanıasy qomaqty ınvestısıa salýǵa yqylas tanytty. Biraq Batka shevdtermen jumys isteýge úzildi-kesildi qarsy boldy. Sol sıaqty Belorýs traktor zaýytyna sheteldik ınvestorlar qyzyǵýshylyq tanytqanda da, Lýakshenko olardan da teris aınaldy.
Batysty qubyjyq etip kórsetip tastaǵan Keńes ókimetiniń sheńgelinen endi ǵana bosaǵan bizder Lýkashenkonyń bul áreketin otandyq óndiristi «qorǵaý» dep oıladyq. Ókinishke oraı, bul oıymyzdyń qate ekenin keıin túsindik.
Mine, sodan beri 26 jyl ótti. «Maz» ben Belorýs tarktor zaýyty damyp, álemdik naryqtaǵy iri oıynshyǵa aınalǵan joq. Búginde Belorýsta shyqqan kólikter men traktorlardy Batys elderi satyp almaıdy. Tek burynǵy postkeńestik elderge zorlaǵandaı qylyp ótkizemiz.
Keıbir elderdiń azamattary Lýkashenko kolhozdar men zaýyttardy saqtap qaldy dep bizge qyzyǵa qaraıtynyn bilemin. Eger jaǵdaıdyń astaryna úńilseńiz qyzyǵatyndaı dáneńe de joq. Lýkashenko eldegi óndiris oshaqtarynyń naryq talabyna saı jumys isteýine múmkindik bermedi. Bizde jekeshelendirý, zaman aǵymyna saı damý degen bolǵan emes.
Búginde «Mazǵa» jyl saıyn memleket tarapynan az-maz qarjy bólinedi. Sonyń arqasynda kásiporyn úzilip-sozylyp, ólmestiń kúnin keshýde. Osylaısha Lýkashenko kásiporyn men ondaǵy júzdegen jumysshylardy ashsa alqanynda, jumsa judyryǵynda ustap keldi.
Eger osy kásiporyndarǵa sheteldik ınvestorlardy kirgizse, zaýyttarymyz damyp, ondaǵy jumysshylar Lýkashenkonyń aýzyna qaramas edi. Búginde zaýyttardaǵy jumysshylar osy jaıtty túsinip, ereýilge shyǵyp jatyr, – deıdi qoǵam belsendisi.
