"Barmysyń, baýyrym" baǵdarlamasynyń redaktory, belgili jýrnalist Qymbat Dosjan belgiialyq otbasy asyrap alǵan Jánibek Jumaǵulovqa (Eddi Jan Savelevqa) qatysty jańa aqparatymen bólisti, dep habarlaidy Dalanews.kz.
Jýrnalistiń sózine qaraǵanda, Belgiiadaǵy tótenshe jáne ókiletti elshi Marǵulan Baimuhannan hat kelgen.
«Hat mazmunynda Jánibek Jumaǵulov kómek surap, Belgiiadaǵy elshilikke júginbegeni jazylǵan. Bul málimet buǵan deiin de bizge belgili edi. Óitkeni, Jánibektiń aitýynsha, bala 16 jasynda asyrap alǵan adamnan bólek ketip, kámelettik jasqa tolǵanda tipti Ispaniiaǵa ketip qalǵan. Sondyqtan anasyn izdep, Ispaniiadan kelgen edi. Elshilik hatyndaǵy ekinshi málimet: bala asyrap alý ortalyǵy ókiliniń habarlaýynsha, Jánibektiń asyrap alynýy asyrap alý agenttikteriniń qatysýynsyz, jeke, tikelei bolǵan. Sondai-aq, osy ortalyqtyń ókili bul bala kámeletke tolǵandyqtan, qandai da bir esepterdi, aqparatty suraýǵa nemese osyǵan bailanysty qadam jasaýǵa quqyǵy joq degendei jaýap aldyq», - deidi Qymbat Dosjan.
Buǵan deiin áleýmettik jelide shetelde turatyn Jánibek esimdi (qazirgi qujatynda EddJan) jas jigittiń Qazaqstanǵa kelip, anasyn izdep jatqany týraly video keńinen taraǵan edi. Belgili bolǵandai, Jánibek 2002 jyly 17 qańtarda Arqalyqta týǵan. 2004 jyly sol qaladaǵy balalar úiinen qazirgi belgiialyq otbasy, iaǵni jalǵyzbasty anasy asyrap alýǵa alyp ketken.
