Belgili zańger Aigúl Orynbek Shymkentte elektr jaryǵynyń jii óshýine qatysty pikir bildirip, qaladaǵy jaǵdaidy synǵa aldy, dep habarlaidy dalanews.kz.
Zańgerdiń aitýynsha, sońǵy ýaqytta Shymkentte elektr jaryǵynyń óshýi jiilep ketken.
«Shymkentte jaryq óshý kóbeidi, bir kúnde bes-alty ret óshedi. Aqshasyn ýaqytyly tóleimiz, úidegi tehnikanyń bárin kúidirip bitti», – dep jazdy ol áleýmettik jelidegi paraqshasynda.
Aigúl Orynbek mundai jaǵdai turǵyndarǵa qolaisyzdyq týǵyzyp qana qoimai, turmystyq tehnikanyń isten shyǵýyna sebep bolyp jatqanyn aitty.
Sondai-aq ol jaryq júiesine jaýapty mekeme men qala ákimdiginiń bul máselege nazar aýdarýy qajet ekenin jetkizdi.
«Jaryqtyń basshysy kim edi, igere almai jatqan shyǵar. Qalanyń ákimi Ǵabit Syzdyqbekovke aityńdarshy, halyq shýlatyp jatyr, ony da memleketke qaitarsyn!» – dedi zańger.
Jeli qoldanýshylarynyń bir bóligi zańgerdiń jazbasyn qoldap, Shymkenttiń túrli aýdandarynda elektr energiiasynyń jii úzilip jatqanyn aityp pikir qaldyrǵan. Al «Ońtústik Jaryq Tranzit» kompaniiasynyń resmi paraqshasy pikirge jaýap berip, máseleniń sebebin anyqtaý úshin naqty mekenjaidy jiberýdi suraǵan.
