– Bul sailaý osydan bir jyl buryn bolǵan bolsa – halyqtyń suranysy, ózekti máseleleri, eldegi saiasi jaǵdai, basqa da máseleler basqasha bolar ma edi. Sońǵy bir jyl ishinde pandemiia áserinen kóp nárse ózgerdi. Biz qazir neniń mańyzdy, neniń asa mańyzdy emes ekenin túsindik. Onyń ishinde jastarǵa keletin bolsaq, bul sailaýda jastardyń belsendiligi joǵaryraq, sebebi 30%-dyq kvota áielder men jastarǵa bólingeni belgili.
Buryn máslihatta, parlamentte jastardyń paiyzdyq úlesi 1-2% ǵana bolǵan. Al qazir osy sailaý naýqanynyń arqasynda jastardyń úles salmaǵy birneshe esege óspek. Iaǵni, bul sailaý naýqanynda jastardyń saiasi azamattyq belsendiligi artty deýge bolady, – deidi Ashat Sadyrbai.
Sondai-aq, ol qazirgi ýaqytta jastardyń basty nazary sailaýda jáne saiasi reformalarda ekenin aitty.
– Elimizde talantty, bilimdi jastar kóp. Shetelge baryp, bilimin shyńdap kelgen, ózderin álemdik deńgeide moiyndatqan, IT salasyndaǵy alpaýyt kompaniialarda qyzmet istep jatqan jastar da bar. Olar elimizdiń damýyna úles qosyp, kóp nárseni jaqsartqysy keledi. Ondai jastar sailaýǵa qatysqanda dostary, jora-joldastary qoldaidy jáne jalpy jastarǵa úlken qoldaý bolady, – deidi ol.
Eske sala ketsek, buǵan deiin Sailau Talks-2021 sarapshylary ótip jatqan sailaýdyń mańyzdylyǵy talqylaitynyn jazǵan bolatynyz.
