– بۇل سايلاۋ وسىدان ءبىر جىل بۇرىن بولعان بولسا – حالىقتىڭ سۇرانىسى، وزەكتى ماسەلەلەرى، ەلدەگى ساياسي جاعداي، باسقا دا ماسەلەلەر باسقاشا بولار ما ەدى. سوڭعى ءبىر جىل ىشىندە پاندەميا اسەرىنەن كوپ نارسە وزگەردى. ءبىز ءقازىر نەنىڭ ماڭىزدى، نەنىڭ اسا ماڭىزدى ەمەس ەكەنىن تۇسىندىك. ونىڭ ىشىندە جاستارعا كەلەتىن بولساق، بۇل سايلاۋدا جاستاردىڭ بەلسەندىلىگى جوعارىراق، سەبەبى 30%-دىق كۆوتا ايەلدەر مەن جاستارعا بولىنگەنى بەلگىلى.
بۇرىن ءماسليحاتتا، پارلامەنتتە جاستاردىڭ پايىزدىق ۇلەسى 1-2% عانا بولعان. ال ءقازىر وسى سايلاۋ ناۋقانىنىڭ ارقاسىندا جاستاردىڭ ۇلەس سالماعى بىرنەشە ەسەگە وسپەك. ياعني، بۇل سايلاۋ ناۋقانىندا جاستاردىڭ ساياسي ازاماتتىق بەلسەندىلىگى ارتتى دەۋگە بولادى، – دەيدى اسحات سادىرباي.
سونداي-اق، ول قازىرگى ۋاقىتتا جاستاردىڭ باستى نازارى سايلاۋدا جانە ساياسي رەفورمالاردا ەكەنىن ايتتى.
– ەلىمىزدە تالانتتى، ءبىلىمدى جاستار كوپ. شەتەلگە بارىپ، ءبىلىمىن شىڭداپ كەلگەن، وزدەرىن الەمدىك دەڭگەيدە مويىنداتقان، ءىت سالاسىنداعى الپاۋىت كومپانيالاردا قىزمەت ىستەپ جاتقان جاستار دا بار. ولار ەلىمىزدىڭ دامۋىنا ۇلەس قوسىپ، كوپ نارسەنى جاقسارتقىسى كەلەدى. ونداي جاستار سايلاۋعا قاتىسقاندا دوستارى، جورا-جولداستارى قولدايدى جانە جالپى جاستارعا ۇلكەن قولداۋ بولادى، – دەيدى ول.
ەسكە سالا كەتسەك، بۇعان دەيىن Sailau Talks-2021 ساراپشىلارى ءوتىپ جاتقان سايلاۋدىڭ ماڭىزدىلىعى تالقىلايتىنىن جازعان بولاتىنىز.
