Qazaqstandyq belgili jýrnalist ári sport kommentatory Ǵalym Súleimen qaitys boldy, dep habarlaidy dalanews.kz.
Taraǵan aqparatqa sáikes, Ǵalym Súleimen bir kún buryn densaýlyǵy kúrt nasharlap, shuǵyl túrde jansaqtaý bólimine jetkizilgen. Keiin jýrnalistiń júregi syr bergeni habarlandy.
Ǵalym Súleimen qazaqstandyq sport jýrnalistikasynda uzaq jyl eńbek etken tájiribeli mamandardyń biri edi. Ol túrli deńgeidegi jarystardan reportaj júrgizip, sport taqyrybyndaǵy saraptamalarymen kórermen men oqyrmanǵa jaqsy tanys boldy.
Ásirese boks pen kúreske qatysty pikirleri, sportshylardyń ónerine jasaǵan taldaýlary kópshiliktiń nazaryn aýdaryp kelgen.
Sondai-aq jýrnalist halyqaralyq jáne qurlyqtyq deńgeidegi birqatar sport dodasyn kommentator retinde júrgizip, otandyq sporttyń nasihattalýyna úles qosty.
Derekkóz: Sportinside.kz
