Memlekettik qyzmet isteri agenttigin basqarǵan Anar Jaiylǵanova 54 jasynda kóz jumdy, - dep habarlaidy Dalanews.kz.
Ol 1969 jyly 10 shildede Semeide dúniege kelgen. Memlekettik qyzmet isteri agenttiginiń basshysy qyzmetine deiin Májilis depýtaty – Zańnama jáne sot-quqyqtyq reforma komitetiniń múshesi boldy.
Jaiylǵanova - ál-Farabi atyndaǵy qazaq memlekettik ýniversitetiniń zań fakýltetiniń túlegi. Uzaq jyl boiy sot júiesinde qyzmet etti. Eńbek jolyn Ońtústik Qazaqstan oblystyq sotynda keńesshi bolyp bastady. Sodan keiin sýdia bolyp jumys istedi.
1999 jyly Ádilet ministrliginiń Sot júiesin taldaý jáne jetildirý departamenti bastyǵynyń orynbasary, keiin osy basqarmany basqardy. Ol Prezident ákimshiliginiń memlekettik-quqyqtyq bóliminiń aǵa sarapshysy qyzmetin de atqarǵan.
2000 jyly Anar Jaiylǵanova Joǵarǵy sot tóraǵasynyń keńesshisi bolyp taǵaiyndaldy. Tórt jyldan keiin ol Joǵarǵy sottyń sýdiasy boldy.
2008-2018 jyldary - Konstitýtsiialyq keńestiń múshesi, 2018-2019 jyldary – Májilis depýtaty – Zańnama jáne sot-quqyqtyq reforma komitetiniń múshesi qyzmetterin atqardy.
2019 jylǵy maýsymnan 2022 jylǵy 11 qańtarǵa deiin Memlekettik qyzmet isteri agenttiginiń tóraǵasy boldy.
