مەملەكەتتىك قىزمەت ىستەرى اگەنتتىگىن باسقارعان انار جايىلعانوۆا 54 جاسىندا كوز جۇمدى، - دەپ حابارلايدى Dalanews.kz.
ول 1969 جىلى 10 شىلدەدە سەمەيدە دۇنيەگە كەلگەن. مەملەكەتتىك قىزمەت ىستەرى اگەنتتىگىنىڭ باسشىسى قىزمەتىنە دەيىن ءماجىلىس دەپۋتاتى – زاڭناما جانە سوت-قۇقىقتىق رەفورما كوميتەتىنىڭ مۇشەسى بولدى.
جايىلعانوۆا - ءال-فارابي اتىنداعى قازاق مەملەكەتتىك ۋنيۆەرسيتەتىنىڭ زاڭ فاكۋلتەتىنىڭ تۇلەگى. ۇزاق جىل بويى سوت جۇيەسىندە قىزمەت ەتتى. ەڭبەك جولىن وڭتۇستىك قازاقستان وبلىستىق سوتىندا كەڭەسشى بولىپ باستادى. سودان كەيىن سۋديا بولىپ جۇمىس ىستەدى.
1999 جىلى ادىلەت مينيسترلىگىنىڭ سوت جۇيەسىن تالداۋ جانە جەتىلدىرۋ دەپارتامەنتى باستىعىنىڭ ورىنباسارى، كەيىن وسى باسقارمانى باسقاردى. ول پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ اعا ساراپشىسى قىزمەتىن دە اتقارعان.
2000 جىلى انار جايىلعانوۆا جوعارعى سوت ءتوراعاسىنىڭ كەڭەسشىسى بولىپ تاعايىندالدى. ءتورت جىلدان كەيىن ول جوعارعى سوتتىڭ سۋدياسى بولدى.
2008-2018 جىلدارى - كونستيتۋسيالىق كەڭەستىڭ مۇشەسى، 2018-2019 جىلدارى – ءماجىلىس دەپۋتاتى – زاڭناما جانە سوت-قۇقىقتىق رەفورما كوميتەتىنىڭ مۇشەسى قىزمەتتەرىن اتقاردى.
2019 جىلعى ماۋسىمنان 2022 جىلعى 11 قاڭتارعا دەيىن مەملەكەتتىك قىزمەت ىستەرى اگەنتتىگىنىڭ ءتوراعاسى بولدى.
