Qazaqstandyq kásipker Almaz Zaripov Bishkekte qamaýǵa alyndy, dep habarlaidy Dalanews.kz.
Oǵan 2,5 mln dollarlyq alaiaqtyq jasady degen kúdik taǵylyp otyr. Kaktus Media málimetinshe, biyl naýryzda Bishkektiń eki turǵyny UQK-ge shaǵymdanǵan. Olar 51 jastaǵy azamat senimderine kirip, Qazaqstannan astyq ónimderin jetkizýge qatysty tiimdi biznes usynǵanyn aitqan.
Shartqa kelisken olar oǵan 2,5 mln dollar (shamamen 1,3 mlrd teńge) bergen. Alaida aqshany alǵan soń «jetkizýshi» bailanysqa shyqpai, boi tasalaǵan. Iskerlik ortadaǵy derekkózder onyń Almaz Zaripov ekenin rastady. Ol KAZBRAND azyq-túlik holdinginiń «Agrarlyq servis» kompaniiasynyń direktory ári Qazaqstan agroónerkásiptik odaǵynyń prezidenti.
Kompaniia 2020 jyldan beri jumys istep, aýyl sharýashylyǵy ónimderiniń saýdasymen ainalysady.
Qyrǵyzstannyń arnaiy qyzmeti Zaripovqa izdeý jariialady. 23 tamyzda qolǵa túsken soń, Bishkek soty ony 20 qyrkúiekke deiin qamaýda ustaý týraly sheshim shyǵardy. Kásipkerge «asa iri kólemdegi alaiaqtyq» baby boiynsha aiyp taǵylǵan. Eger kinási dáleldense, ony aýyr jaza kútip tur.
