Belgili qazaqstandyq kinorejissior, kinematograf ári prodiýser Murat Bidosov "Álihan" tolyqmetrajdy filmniń túsirilimi bastalǵanyn málimdedi, dep habarlaidy Dalanews.kz.
Bul qýanyshty jańalyqty rejisser áleýmettik jelidegi paraqshasynda bólisti.
"Álihan" - tolyqmetrajdy film! Buǵan deiin "Tar zaman" tarihi serialyn túsirgenimiz kórermenniń esinde bolar. Osy serialdy qolǵa alǵan kezde kóptegen tarihi derekter men maǵulymattar jinadyq. Shyny kerek, bul derekter biraz filmge azyq bolarlyq dúnieler ekenin sol kezdiń ózinde ańǵarǵan bolatynbyz. Endi "Álihan" tolyqmetrajdy filminiń stsenariiin jazyp bitirip, semkaǵa daiyndyq jumysyna qyzý kirisip kettik. Jobaǵa kásibi tarihshylar tartylyp,olardyń talǵam-tarazysynan, súzgisinen ótti. Osy kartinany júzege asyrýǵa aianbai qol ushyn sozǵan azamattarǵa myń alǵys!”, - dedi Murat Bidosov.
Aita keteiik, Murat Bidosov - alash qairatkerleriniń ómir jolyn, ultqa belgili áigili tulǵalardyń taǵdyryn arqaý etken birneshe teleserialdyń rejisseri. Buǵan deiin onyń basshylyǵymen “Tar zaman”, “Keiki” jáne “Abai” týyndylary qalyń kórermenge jol tartqan bolatyn.
