بەلگىلى قازاقستاندىق كينورەجيسسور، كينەماتوگراف ءارى پروديۋسەر مۇرات بيدوسوۆ "ءاليحان" تولىقمەتراجدى ءفيلمنىڭ ءتۇسىرىلىمى باستالعانىن مالىمدەدى، دەپ حابارلايدى Dalanews.kz.
بۇل قۋانىشتى جاڭالىقتى رەجيسسەر الەۋمەتتىك جەلىدەگى پاراقشاسىندا ءبولىستى.
"ءاليحان" - تولىقمەتراجدى فيلم! بۇعان دەيىن "تار زامان" تاريحي سەريالىن تۇسىرگەنىمىز كورەرمەننىڭ ەسىندە بولار. وسى سەريالدى قولعا العان كەزدە كوپتەگەن تاريحي دەرەكتەر مەن ماعۇلىماتتار جينادىق. شىنى كەرەك، بۇل دەرەكتەر ءبىراز فيلمگە ازىق بولارلىق دۇنيەلەر ەكەنىن سول كەزدىڭ وزىندە اڭعارعان بولاتىنبىز. ەندى "ءاليحان" تولىقمەتراجدى ءفيلمىنىڭ سەنارييىن جازىپ ءبىتىرىپ، سەمكاعا دايىندىق جۇمىسىنا قىزۋ كىرىسىپ كەتتىك. جوباعا كاسىبي تاريحشىلار تارتىلىپ،ولاردىڭ تالعام-تارازىسىنان، سۇزگىسىنەن ءوتتى. وسى كارتينانى جۇزەگە اسىرۋعا ايانباي قول ۇشىن سوزعان ازاماتتارعا مىڭ العىس!”، - دەدى مۇرات بيدوسوۆ.
ايتا كەتەيىك، مۇرات بيدوسوۆ - الاش قايراتكەرلەرىنىڭ ءومىر جولىن، ۇلتقا بەلگىلى ايگىلى تۇلعالاردىڭ تاعدىرىن ارقاۋ ەتكەن بىرنەشە تەلەسەريالدىڭ رەجيسسەرى. بۇعان دەيىن ونىڭ باسشىلىعىمەن “تار زامان”، “كەيكى” جانە “اباي” تۋىندىلارى قالىڭ كورەرمەنگە جول تارتقان بولاتىن.
