Kásipker Baharidin Ablazimov jáne onyń kompaniialar toby eldegi birqatar óńirindegi sý tasqynynan zardap shekkenderge 2,7 milliard teńge bóldi, dep habarlaidy Dalanews.kz.
Qarajat zardap shekken aimaqtardaǵy mańyzdy infraqurylymdy qalpyna keltirýge, jańa úiler satyp alýǵa jáne salýǵa baǵyttalady.
Kómekti durys paidalaný maqsatynda qarajat "Demeý Qazaqstan Qorynyń"arnaiy shotyna aýdarylatyn bolady.
Naýryz aiynyń basynan bastap "QazAzot" AQ, "Maten Petroleým" AQ kompaniialar toby 100 million teńgeden astam qarajat, onyń ishinde shyǵys materialdary men gýmanitarlyq kómek túrinde - 70 million teńgeden astam qarajat bóldi, sondai-aq Qazaqstannyń túrli óńirlerinen ketken eriktilerdiń shyǵystaryna 30 million teńgeden astam qarajat bólindi.
Biz sý tasqynynan zardap shekken óńirlerge alǵashqy kúnnen bastap kómek kórsetip kelemiz. Men bul synaqty birliktiń arqasynda jeńetinimizge senimdimin, - dedi kásipker.
Baharidin Ablazimov Memleket basshysy Qasym-Jomart Toqaevtyń sý tasqynynyń saldarymen kúreste kúsh-jigerdi biriktirý jónindegi bastamasyn qoldaidy.
