Astanada belgili kásipker, Parmigiano Group iesi Almas Ábdiǵapparovtyń áieli ustaldy. Olga Ábdiǵapparova ustalǵany týraly aqparatty Almaty politsiia departamenti rastady, - habarlaidy Dalanews.kz.
Politsiianyń málimetinshe, ol asa iri mólsherdegi alaiaqtyq týraly is boiynsha kúdikti dep tanylǵan.
"Almaty qalasy PD tergeý basqarmasy turǵyn úi keshenderiniń biriniń úleskerleriniń ujymdyq ótinishi boiynsha asa iri mólsherdegi alaiaqtyq deregi boiynsha qylmystyq isti tergep jatyr. Azamat Á.kúdikti dep tanyldy. Ol Astana qalasynda ustaldy",-delingen vedomstvonyń baspasóz qyzmetiniń habarlamasynda.
Kúdikti QR QIJK-niń 128-babynyń tártibimen Astana PD ýaqytsha ustaý izoliatoryna qamaldy. Sotqa deiingi tergeý jalǵasyp jatyr.
Almas Ábdiǵaparovtyń ózi 2022 jylǵy jazda Almatyda sottalǵan bolatyn. Ol senip tapsyrylǵan múlikti asa iri mólsherde urlaǵany úshin kináli dep tanyldy jáne qarjy uiymdarynda bes jyl merzimge basshylyq laýazymdardy atqarý quqyǵynan aiyryla otyryp, jeti jylǵa bas bostandyǵynan aiyryldy.
Almaty qalasy №2 Medeý aýdandyq soty elitalyq Esentai City Turǵyn úi kesheninde jyljymaityn múlikti satyp alýshyǵa tiesili 418 640 000 teńgeni menshiktep alý isi boiynsha úkim shyǵardy.
"Almas Ábdiǵapparov senip tapsyrylǵan bóten múlikti iemdenip alý nemese talan-tarajǵa salǵany úshin aiypty dep tanyldy. Ol jazasyn jalpy rejimdegi koloniiada 7 jyl óteidi. Sondai-aq oǵan qarjylyq uiymdarda 5 jyl boiy basshylyq qyzmetter atqarýǵa tyiym salynady", dep habarlady sot buǵan deiin.
Aita keteiik, Parmigiano Group kompaniiasynyń direktory Almas Ábdiǵapparov 2021 jyly shildede qamaýǵa alynǵan bolatyn.
