Belgili ázilkesh Tursynbek Qabatov áleýmettik jelide qyzý talqylanyp jatqan aqyn Júrsin Erman men álemge tanymal ánshi Dimash Qudaibergenniń kezdesýi túsirilgen beinejazbaǵa qatysty óz oiyn bólisti, dep habarlaidy dalanews.kz.
Óner iesi aqyn Júrsin Ermannyń otandyq mádeniet pen ulttyq ónerge qosqan orasan zor úlesin erekshe atap ótti. Sonymen birge, ol oqyrmandardy oqiǵanyń mán-jaiyn tolyq túsinbei turyp, asyǵys ári birjaqty baǵa bermeýge shaqyrdy.
"Bári bitti, endi Júrsin aǵa qaldy ma? Qazaq ónerin Júrsin aǵamyz sekildi túsinetin adam az. Aǵamyz sońǵy kezde aýyryńqyrap júr. Aǵa, 100 jasańyz. Kóp paraqshalarǵa aitarym, kóringen jańalyqtardyń aq-qarasyn ajyratpai turyp, 40-50 jyl el úshin eńbek etip jinaǵan abyroi-bedelin tókpeiik. Kerisinshe, "aǵamyzdyń jasyn bersin Dimashqa" dep nege jazbaisyzdar?" – dep jazdy Tursynbek Qabatov.
