Almaty oblysy Uiǵyr aýdany Shonjy aýylynda Qazaqstannyń eńbek sińirgen qairatkeri, “Qurmet” ordeniniń iegeri, Almaty oblysynyń qurmetti azamaty, teatr jáne kino akteri Bekjan Turystyń 60 jas mereitoiyna arnalǵan “Óner – táýekeli jetkenniń tuǵyry” atty ádebi-sazdy keshi ótip jatyr, dep habarlaidy Dalanews.kz.
Mereitoi baǵdarlamasy Álmerek Janshyqulynyń eskertkishine gúl shoǵyn qoiý rásiminen bastaldy. Sondai-aq aýdandyq mádeniet úiinde mereitoi iesiniń shyǵarmashylyǵyna arnalǵan fotokórme uiymdastyryldy.
Kesh barysynda Bekjan Turys oinaǵan spektaklderden úzindiler sahnalanyp, Qazaqstan estradasynyń juldyzdary án shyrqamaq. Sonymen qatar M. Áýezov atyndaǵy Qazaq ulttyq drama teatrynyń akterleri “Bes boidaqqa bir toi” spektaklin qoiady.
Saltanatty sharada M.Áýezov atyndaǵy Qazaq ulttyq drama teatrynyń ártisteri, mádeniet jáne qoǵam qairatkerleri tóbe kórsetti. Olardyń qatarynda Májilis depýtaty Janarbek Áshimjan, Almaty oblystyq Mádeniet basqarmasynyń basshysy Daniiar Áldiev, Uiǵyr aýdanynyń ákimi Bota Eleýsizova, M.Áýezov teatrynyń direktory Erkin Jýasbekov, QR Memlekettik syilyǵynyń iegeri, aqyn Nurlan Orazalin,QR eńbek sińirgen qairatkeri, rejisser Áýbákir Rahimov, Almaty oblysynyń qurmetti azamaty Yzǵarbek Bektursynov,qoǵam qairatkeri Baýyrjan Qaptaǵaev, sondai-aq akterdiń ustazdary men shákirtteri bar.
Mereitoi iesine degen el qurmeti erekshe boldy. Aýdan halqy at mingizse, áriptesteri men baýyrlary, kásipkerler jańa kólik syilady.
Belgili teatr synshysy Áliia Bópejanova Bekjan Turystyń shyǵarmashylyǵyna joǵary baǵa berip, onyń sahnadaǵy dara qoltańbasy men akterlik sheberligin erekshe atap ótti.
“Jalpy akterdiń keiipkerleriniń jan dúniesine ený, bolmysyn igerý tájiribeleri qyzǵylyqty. Atap aitarlyǵy - ol detaldarǵa erekshe mán beredi. Sondyqtan da onyń ekinshi plandaǵy, tipti epizodtyq keiipkerleriniń ózi tolyqqandy, jandy shyǵyp, kórermen kókeiinde jattalyp qalady. Mysaly, «Abaidyń» keiingi qoiylymynda (rejisser E. Obaev) Jirensheniń Aidar men Ajar arasyndaǵy súiispenshilikke bailanysty daýǵa bilik aitatyn sahnasyn eske túsirelik. Qazaqta bi bitken sheshen. Degenmen de Bekjan-Jirensheniń desteletip sóileýi, sóz saptaýy qandai! Ózi syr bermegensigenmen, ábden qansorpasy shyqqanyn etektei qol oramalymen bet-moinynyń terin bipazdap súrte bergeninen, eń sońynda oramaldy jelkesine salyp alǵanynan sezesiz. Bitispes jaýlyqqa bet alǵan Orazbailar tobynyń beldi ókili Jirenshe osal jaý emes, óz ýaqytynyń, ortasynyń myqtylarynyń biri. Akter oiyny osyny tanytady. Áli apaidyń bul sózin ózderińizdei qalyń kórermenniń atynan berilgen baǵa dep qabyldańyzdar. Akter da teatr óneri de jasai bersin!”, – dep baǵalady.
Ónerdegi áriptesi Tuńǵyshbai Jamanqulov ta akterdiń kásibi biigi men adamdyq bolmysy týraly sóz qozǵady.
“Adalyn aitý kerek, keide rejissýra da Bekjannyń sýretkerlik tynys-tabiǵatyna, óre-qarymyna sai kele bermeidi. Bekjannyń keide qoiýshy-rejisserdiń qiial-sheshiminen oza shabatyny bar. Negizinde Bekjan Turys - ultjandy, qazaqy júregi qanshyl, ómir men ónerge ústirt qaramaityn oily azamat. Sóz saptaýda arzan sóz aitpaityn sheshen”, – dedi ol.
Jazýshy Zeinep Ahmetova óner iesiniń qoiylymdaryna toqtaldy.
“Bekjannyń birneshe qoiylymyna bardym. Shámshisi erekshe. Óitkeni ol Shámshi ánderin ózi oryndaityn myqty ánshi ǵoi. Bekjanda shynaiylyq basym-dep aǵynan jaryla aitqan edi. Sondyqtan osy arada Qazaqstannyń Halyq jazýshysy, dramatýrg Israiyl Saparbaidyń “Syǵan tserenadasy” qoiylymyndaǵy Shámshi beinesine zer salaiyqshy”, — dedi ol.
