Sanktsiiaǵa ushyraǵan Belarýs aǵashy Eýropa odaǵy aýmaǵyna Polsha arqyly, ónimder Qazaqstannan jiberilgeni týraly jalǵan qujattarmen tasymaldanyp jatqany týraly aqparat tarady. Bul týraly ýkrainalyq basylymdar jazdy, - dep habarlaidy Dalanews.kz.
"Ýkrainskaia pravda" basylymy málimetinshe, tergeýshiler Belarýste aǵashqa qatysty sanktsiia engizilgennen keiin EO-ǵa Qazaqstannan aǵash importy aitarlyqtai óskenin anyqtaǵan. Eýrostattyń málimetinshe, 2022 jyly Qazaqstannan 14 million eýroǵa aǵashtan taýar ákelinse, 2023 jyly bul kórsetkish bes esege, iaǵni 68 million eýroǵa deiin jetken.
"Jýrnalister qazaqstandyq Nurr-electro firmasy men Polshanyń PLRBL arasyndaǵy million eýroǵa jýyq qaraǵai palisadyn jetkizýge arnalǵan kelisimsharttardyń birin zerttegen. Kelisimshart 2022 jylǵy qazannan, al jetkizý 2023 jyldyń basynan bastalady", - dep jazylǵan basylym málimetinde.
Derekterge súiensek, qazaqstandyq Nurr-electro qujatyndaǵy mórlerdegi qoldar men bederler burmalanǵany belgili bolǵan jáne grafikalyq dizain boiynsha eki táýelsiz sarapshy bul fotoredaktordyń kómegimen qujattarǵa salynǵanyn aitqan.
"Sonymen qatar, qazaqstandyq Nurr-electro kompaniiasynyń zańgeri Arman Tóleiuly jýrnalisterge bergen pikirinde "mundai mámile boiynsha qarjylyq operatsiialar bolmaǵanyn" jáne "olarda mundai mór joq" ekenin aitqan. Al Belarýstiń "Gallardo" tasymaldaýshy kompaniiasynyń ókili Belarýsten kelgen taýarlar ekenin moiyndap, "Qazaqstannan ákelgen joqpyz, Belarýsten ákeldik, sol jerden tiedi" degen", - dep jazylǵan materialda.
Sonymen qatar, PLRBL atty satyp alýshy kompaniianyń jalǵyz iesi Oleg Ianovich jýrnalisterdiń suraqtaryna jaýap berýden bas tartqan.
"Tergeýshiler naryqtaǵy derekkózder kómegimen aǵashtar Belarýs kásipornynyń qoimasynan kelgenin, onyń iesi Oleg Ianovich ekenin anyqtapty.
Polshanyń Syrtqy ister ministrligi ókilderi jýrnalisterdiń saýalyna jaýap retinde sanktsiia máselesi olardyń quzyretine jatpaitynyn aitty. Polshanyń keden qyzmeti barlyq kedendik deklaratsiiany tekserýge fizikalyq múmkindigi joq ekenin málimdedi. Polshanyń Ishki ister ministrligi kórsetilgen derekter boiynsha tekseris bastalǵanyn aityp, odan ári túsinikteme berýden bas tartty", - dep jazylǵan materialda.
