Premer-ministr Oljas Bektenovtiń tóraǵalyǵymen "Báiterek" ulttyq basqarýshy holdingi" AQ direktorlar keńesiniń otyrysy ótti. Memleket basshysynyń ekonomikanyń naqty sektoryn qarjylandyrý jónindegi tapsyrmalaryn júzege asyrýǵa nazar aýdaryldy, dep habarlaidy Dalanews.kz.
Direktorlar keńesiniń músheleri holdingtiń biznesti memlekettik qoldaý quraldarymen qamtýdy arttyrý boiynsha júrgizip jatqan jumystar týraly habardar etildi. Biylǵy úsh aida ShOB-ty qoldaýǵa baǵyttalǵan jalpy soma 439 mlrd teńgeni qurady, bul ótken jyldyń sáikes kezeńimen salystyrǵanda 28%-ǵa artyq. Qazaqstannyń damý banki arqyly 292,1 mlrd teńgege 9 investitsiialyq joba jáne 9 eksporttyq operatsiia qarjylandyryldy. Ónerkásipti damytý qory 94,5 mlrd teńgeni quraityn 75 lizingtik operatsiia men qaryzdar berildi.
Agroónerkásip sektoryn damytý boiynsha Prezident alǵa qoiǵan mindetterdi júzege asyrý maqsatynda 3,2 myńnan astam AÓK sýbektisi memlekettik qoldaýmen qamtyldy. Aýyl sharýashylyǵy taýaryn óndirýshiler 233,4 mlrd teńge somasyna qarjylandyryldy, onyń ishinde kóktemgi dala jumystaryna 134,9 mlrd teńge baǵyttaldy. Qabyldanǵan sharalardyń nátijesinde qazaqstandyq sharýalar 1,2 myńnan astam aýyl sharýashylyǵy tehnikasy men jabdyqtaryn satyp aldy.
Biyl iri ónerkásiptik jáne infraqurylymdyq jobalardy investitsiialaýǵa alǵash ret "Báiterek" UBH quraldary arqyly shamamen 8 trln teńge bólinýde. Osy sharalardyń nátijesinde ekonomikanyń serpindi ósýi jáne jańa jumys oryndaryn ashý kútilip otyr.
"Qazir Holding iske asyryp jatqan basym mindetterdiń biri – ekonomikanyń naqty sektoryn qarjylandyrý. Ekonomikaǵa, elimizdegi birqatar asa mańyzdy indýstriialyq jáne infraqurylymdyq jobalardy júzege asyrýǵa josparlanǵan 8 trln teńgeniń igerilýi qazirdiń ózinde 2 trln teńgege jaqyndap qaldy. Qurylys maýsymy óziniń belsendi kezeńine endi ǵana engenin eskersek, qarqyn jaman emes. Men "Báiterektiń" barlyq enshiles qurylymdarynyń naqty, úilesimdi jumys isteý qajettiligine nazar aýdarǵym keledi. Bul mindet qazirgi jaǵdaida ońai emes, biraq biz óz mindettemelerimizdi oryndaimyz. Holding, memleket kapitaldandyrý boiynsha óz mindettemelerin oryndaǵan jaǵdaida, ekonomikany 8 trln teńgege qarjylandyrý jónindegi mindetti oryndaitynyna senimdimin", — dep atap ótti Oljas Bektenov.
Ulttyq ekonomika jáne Qarjy ministrlikterine holdingtiń ýaqtyly kapitaldandyrylýyn qamtamasyz etý tapsyryldy.
Turǵyn úi saiasatyn iske asyrý boiynsha júrgizilip jatqan jumystarǵa erekshe nazar aýdaryldy. Máselen, osy jyldyń 1 toqsanynda 11,8 myńnan astam qazaqstandyq otbasy turǵyn úimen qamtamasyz etildi. "Otbasy bank" AQ 225,2 mlrd teńge somasyna qaryz berdi, "Qazaqstandyq turǵyn úi kompaniiasy" 27,6 mlrd teńgege kepildik berdi.
Direktorlar keńesi otyrysynyń qorytyndysy boiynsha nátijelilikti ári qarai arttyrý maqsatynda holdingtiń investitsiialyq saiasatyn, sondai-aq uiymdastyrýshylyq jáne qarjylyq baǵyttardy jetildirý boiynsha birqatar qujat qabyldandy.
