Premer-ministr Oljas Bektenov vegetatsiialyq kezeńdi ótkizý máselesi boiynsha keńes ótkizdi. Onda elimiz boiynsha, sondai-aq sý tutynýdyń 97%-yn quraityn ońtústik óńirlerdiń ahýaly, sonymen qatar aýyl sharýashylyǵynda egis qurylymyn qazirgi jaǵdaiǵa beiimdeý jáne ylǵaldy az qajet etetin daqyldarǵa kóshý, sý únemdeý tehnologiialaryn engizý boiynsha aýyl sharýashylyǵynda qabyldanyp jatqan sharalar qaraldy, dep habarlaidy Dalanews.kz.
Sý resýrstary jáne irrigatsiia ministri Nurjan Nurjigitovtiń, Túrkistan, Jambyl, Qyzylorda, Almaty jáne Jetisý oblystary ákimderiniń baiandamasy tyńdaldy.
QR Sý resýrstary jáne irrigatsiia ministrliginiń málimeti boiynsha, «Qazsýshar» RMK filialdary aýyl sharýashylyǵy óndirýshilerine sý berýdi uiymdastyrdy. Búginde 22,5 myń kelisimshart jasaldy, bul ótken jyldyń sáikes kórsetkishinen 3 myńǵa artyq.
Talqylaý barysynda Shý, Talas jáne Syrdariia ózenderindegi jaǵdai, sýdy bólýdegi ashyqtyqty qamtamasyz etý máselelerine nazar aýdaryldy. Sý únemdeýdi yntalandyrý maqsatynda elimizde egindik sýǵa arnalǵan sýbsidiialardyń saralanǵan mólsheri engizildi: sý únemdeý tehnologiialaryn paidalanatyn sharýalar úshin mundai tehnologiialardy qoldanbaityndarǵa qaraǵanda – sýbsidiialar mólsheri joǵary. Sonymen qatar sýdy zańsyz paidalanýmen kúresý jáne sý urlaý faktileriniń aldyn alý sharalary qabyldanýda.
Premer-ministr sharýalardyń qajettilikterin sý resýrstarymen qamtamasyz etý jáne aýyl sharýashylyǵynyń suranystaryn qanaǵattandyrý kóbirek nazar aýdarýdy talap etetinin atap ótti.
«Tiimdilikke, únemdilikke jáne vedomstvoaralyq kelisimdilikke basa nazar aýdara otyryp, sý táýekelderin aldyn ala basqarýǵa kóshý qajet. Oblys ákimderi sýmen jabdyqtaý uiymdarynyń egindik sýmen sharýalardy qamtamasyz etý, sýarý tehnologiialaryn saqtaý, sýarý rettiligi jáne kollektorlyq-drenajdyq sýdy qaita paidalaný jónindegi is-qimyldaryn úilestirýdi qamtamasyz etýi tiis. Sý únemdeý tehnologiialaryn engizý jumystaryn kúsheitý qajet. Múddeli memlekettik organdar men fermerler birlestikteri ókilderiniń qatysýymen vegetatsiialyq kezeńde sý táýekelderin basqarý jónindegi óńirlik shtabtar qurýdy tapsyramyn. Sýdy zańsyz paidalanýdy baqylaýdy kúsheitý jáne buzýshylyqtardy anyqtaý jumystaryn jandandyrý mańyzdy», — dep atap ótti Oljas Bektenov.
Sý resýrstary jáne irrigatsiia ministrligine kórshiles eldermen transshekaralyq ózender boiynsha yntymaqtastyqty nyǵaitý, sý berý limitterin baqylaýdy kúsheitý jáne jedel áreket etý, qurylystarǵa jóndeý júrgizý tapsyryldy.
Sondai-aq spýtnik derekterin paidalana otyryp jáne interaktivti kartalarda sý tapshy aimaqtardy kórsetý arqyly sýdy paidalanýdyń tsifrlyq monitoringin engizýdi qamtamasyz etý qajet.
Úkimet sharýalardy sýmen qamtamasyz etý úshin qajetti sharalar qabyldaýda, vegetatsiialyq kezeńniń ótý barysy turaqty baqylaýda. Atalǵan jumysty úilestirý Premer-ministrdiń orynbasary Qanat Bozymbaevqa júkteldi.
