Oljas Bektenov - Qazaqstannyń jańa premer-ministri, - dep habarlaidy Dalanews.kz.
Memleket basshysynyń Jarlyǵymen Oljas Abaiuly Bektenov Qazaqstan Respýblikasynyń premer-ministri bolyp taǵaiyndaldy, ol burynǵy atqarǵan laýazymynan bosatyldy.
Bektenov 43 jasta, buǵan deiin Prezident ákimshiliginde, Antikorda laýazymdy qyzmetter atqarǵan.
Májilis depýtattary da QR premer-ministri laýazymyna Oljas Bektenovtiń kandidatýrasyn qoldady. Talqylaý barysynda Májilistegi fraktsiia tóraǵalary AMANAT partiiasy usynǵan kandidatýraǵa daýys berdi.
Buǵan deiin Memleket basshysy Qasym-Jomart Toqaev Qazaqstan Respýblikasy Parlamenti Májilisindegi saiasi partiialar fraktsiialarynyń jetekshilerimen kezdesýinde Konstitýtsiianyń 44-babyna sáikes premer-ministr laýazymyna usynylǵan Oljas Bektenovtiń kandidatýrasy jóninde fraktsiia basshylarymen keńesýge tiis ekenin aitty.
Talqylaýǵa "Amanat" partiiasy fraktsiiasynyń jetekshisi Elnur Beisenbaev, Qazaqstan Halyq partiiasy fraktsiiasynyń jetekshisi Magerram Magerramov, "Aq jol" partiiasy fraktsiiasynyń jetekshisi Azat Perýashev, Jalpyulttyq sotsial-demokratiialyq partiiasy fraktsiiasynyń jetekshisi Ashat Raqymjanov, "Aýyl" partiiasy fraktsiiasynyń jetekshisi Serik Egizbaev, "Respublica" partiiasy fraktsiiasynyń jetekshisi Aidarbek Hodjanazarov qatysty.
