Premer-ministr Oljas Bektenov Sheteldik investorlar keńesiniń 37-shi plenarlyq otyrysyna qatysý úshin Astanaǵa kelgen Eýropalyq qaita qurý jáne damý bankiniń (EQDB) prezidenti Odil Reno-Bassomen kezdesý ótkizdi, dep habarlaidy Dalanews.kz.
Onda kólik infraqurylymyn, "jasyl" energetikany, ShOB, aýyl sharýashylyǵyn, aqparattyq tehnologiialardy jáne basqa da salalardy damytý jónindegi yntymaqtastyq máseleleri talqylandy.
"Qazaqstan Prezidenti Qasym-Jomart Toqaev ulttyq ekonomikany damytýǵa jáne infraqurylymdy jańǵyrtýǵa belsendi qatysatyn Eýropalyq qaita qurý jáne damý bankiniń róline erekshe nazar aýdarýda. Biz sizdermen kóptegen baǵyt boiynsha tyǵyz yntymaqtastyqtamyz jáne ózara is-qimyldyń strategiialyq sipatyn joǵary baǵalaimyz. Bizdiń nazarymyz sapaly ósýdi arttyrý jáne halyqtyń ál-aýqatyn jaqsartý úshin ekonomikalyq damýdy transformatsiialaýǵa baǵyttalǵan. Ótken jyldyń ózinde biz Sizdermen keleshegi zor salalarda rekordtyq somasy $935 mln bolatyn 25 jańa jobaǵa qol qoidyq. Qazaqstan Úkimeti Eýropalyq qaita qurý jáne damý bankimen ózara múddeli máselelerdiń keń aýqymy boiynsha áriptestikti tereńdetýge daiyn ekenin bildiredi", — dep atap ótti Oljas Bektenov.
Ótken jyly EQDB Qazaqstan ekonomikasyna jyldyq investitsiia kólemin 3 eseden astamǵa ulǵaitty. Taraptar 25 jobaǵa, onyń ishinde Aqtóbede jańa tazartý qurylystary men ilespe infraqurylym salý, Kókshetaýda 630 tósek-oryndyq kópsalaly aýrýhana salý jónindegi alǵashqy iri MJÁ jobasy jáne basqa jobalarǵa qol qoidy. Otandyq qarjy institýttary arqyly nesie jelilerine keńes berý jáne usyný arqyly shaǵyn jáne orta biznesti qoldaýǵa basa nazar aýdaryldy. Jalpy alǵanda, aǵymdaǵy portfelde quny 3,2 mlrd dollardan asatyn 129 belsendi joba bar, onyń 75%-y ornyqty infraqurylym sektoryna tiesili. Birlesken jumys kezeńinde pýl 11,6 mlrd dollar somasyna 340 jobany qurady.
Kezdesý barysynda elektrmen jabdyqtaý senimdiligin arttyrý jáne elordanyń elektr energiiasyna ósip kele jatqan suranysyn qamtamasyz etý úshin Astana qalasynda qosalqy stansa salý jobasy qaraldy. Sondai-aq, ádil energetikalyq aýysý (Just Energy Transition Partnership) boiynsha Qazaqstanda eldik platformasyn birlesip ázirleýge nazar aýdaryldy. JETP platformasy energetika salasyna "jasyl" investitsiialardy tartýdyń mańyzdy quraly bolady.
Eýropalyq qaita qurý jáne damý bankiniń prezidenti Odil Reno-Basso ótken jyly investitsiia kóleminiń rekordtyq óskenin atap ótip, Qazaqstanmen yntymaqtastyqty odan ári tereńdetýge jáne ornyqty ekonomika salasyndaǵy jobalardy birlesip júzege asyrýǵa múddeli ekenin atap ótti. EQDB 2029 jylǵa deiingi Ulttyq infraqurylym jospary sheńberinde jobalardy júzege asyrýǵa qoldaý kórsetedi.
Kezdesý sheńberinde "QazAvtoJol" UK" AQ men EQDB arasynda uzyndyǵy 234 shaqyrym "Aqtóbe – Ulǵaisyn" avtomobil jolynyń ýchaskesin rekonstrýktsiialaýdy qarjylandyrý boiynsha kelisimge qol qoiyldy. Jol 4 jolaqty qozǵalysy bar 1 tehnikalyq sanatta bolady, jalpy uzyndyǵy – 262 shaqyrym. Joba kólik bailanysyn damytý jáne Qazaqstan aýmaǵy arqyly tranzittik aǵyndy qamtamasyz etý úshin mańyzdy sanalady.
