Premer-ministr Oljas Bektenov ákimderge vokzaldardy jańǵyrtý jumystaryn jeke baqylaýdy tapsyrdy, dep habarlaidy dalanews.kz.
Premer-ministr Oljas Bektenov temirjol vokzaldaryn jańartý jobasynyń mańyzyna toqtalyp, onyń jolaýshylarǵa qolaily jaǵdai jasap, qyzmet sapasyn arttyrýǵa baǵyttalǵanyn aitty.
Onyń sózinshe, joba aiasyndaǵy barlyq qoldaý sharasy qabyldanǵan. Osyǵan bailanysty óńir ákimderi jumystardyń oryndalý barysyn apta saiyn jeke baqylaýda ustap, belgilengen merzim men sapa talaptary saqtalýyn qamtamasyz etýi qajet.
Sondai-aq, premer-ministr týyndaǵan máselelerdi jedel sheship, merdiger uiymdarmen birlesip, qurylys alańdaryndaǵy jumys kúshi men tehnikalyq resýrstar sanyn arttyrýdy tapsyrdy.
Oljas Bektenov jańǵyrtýdan ótken 30 vokzaldyń 1 shildege deiin alǵashqy jolaýshylardy qabyldaýǵa daiyn bolýy qajet ekenin aitty.
