Burynǵy ádilet ministri Marat Beketaevtyń isine qatysty tergeý jumystary áli de júrgizilip jatyr. Bul týraly Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulov málimdedi, dep habarlaidy Dalanews.kz.
BAQ ókilderi Antikorǵa "Beketaevtyń isi Bolashak Consulting Group kompaniiasynyń bas direktoryna qatysty tergeýmen bailanysty ma?" dep suraq qoidy.
Sarqulovtyń aitýynsha, tergeýge bailanysty keibir málimetter "qupiia" grifimen belgilengen, sondyqtan naqty aqparattar jariialanbaǵan.
"Arbitrajdyq ister boiynsha milliondaǵan dollar shyǵyn el múddesine sheshilmei jatqandyqtan, qosymsha suraqtar týyndady. Qazir tiisti tergeý júrgizilip jatyr. Málimetter qupiialanǵan. Eki túrli qylmystyq is pe, bireý me, dál qazir naqtysyn aita almaimyn. Biz bul isterge mindetti túrde quqyqtyq baǵa beremiz", – dedi Sarqulov.
Eske salaiyq, Antikor burynǵy ádilet ministrin 2023 jyldyń 21 qazanynda elden qashyp ketpek bolǵan kezinde ustaǵan edi. Oǵan laýazymdyq ókilettikterin asyra paidalanyp, memleketke iri kólemde zalal keltirdi degen aiyp taǵyldy.
Aita keteiik, Beketaev 2016-2022 jyldary ádilet ministri bolǵan. Ol qandy Qańtar oqiǵasynan soń qyzmetinen bosatylyp, keiin premer-ministrdiń keńesshisi qyzmetine taǵaiyndalǵan edi. Biraq ol keńesshi qyzmetinen bir jyldan keiin ketken.
