بۇرىنعى ەدٸلەت مينيسترٸ مارات بەكەتاەۆتىڭ ٸسٸنە قاتىستى تەرگەۋ جۇمىستارى ەلٸ دە جٷرگٸزٸلٸپ جاتىر. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ۇلان سارقۇلوۆ مەلٸمدەدٸ, دەپ حابارلايدى Dalanews.kz.
باق ٶكٸلدەرٸ انتيكورعا "بەكەتاەۆتىڭ ٸسٸ Bolashak Consulting Group كومپانيياسىنىڭ باس ديرەكتورىنا قاتىستى تەرگەۋمەن بايلانىستى ما?" دەپ سۇراق قويدى.
سارقۇلوۆتىڭ ايتۋىنشا, تەرگەۋگە بايلانىستى كەيبٸر مەلٸمەتتەر "قۇپييا" گريفٸمەن بەلگٸلەنگەن, سوندىقتان ناقتى اقپاراتتار جارييالانباعان.
"اربيتراجدىق ٸستەر بويىنشا ميلليونداعان دوللار شىعىن ەل مٷددەسٸنە شەشٸلمەي جاتقاندىقتان, قوسىمشا سۇراقتار تۋىندادى. قازٸر تيٸستٸ تەرگەۋ جٷرگٸزٸلٸپ جاتىر. مەلٸمەتتەر قۇپييالانعان. ەكٸ تٷرلٸ قىلمىستىق ٸس پە, بٸرەۋ مە, دەل قازٸر ناقتىسىن ايتا المايمىن. بٸز بۇل ٸستەرگە مٸندەتتٸ تٷردە قۇقىقتىق باعا بەرەمٸز", – دەدٸ سارقۇلوۆ.
ەسكە سالايىق, انتيكور بۇرىنعى ەدٸلەت مينيسترٸن 2023 جىلدىڭ 21 قازانىندا ەلدەن قاشىپ كەتپەك بولعان كەزٸندە ۇستاعان ەدٸ. وعان لاۋازىمدىق ٶكٸلەتتٸكتەرٸن اسىرا پايدالانىپ, مەملەكەتكە ٸرٸ كٶلەمدە زالال كەلتٸردٸ دەگەن ايىپ تاعىلدى.
ايتا كەتەيٸك, بەكەتاەۆ 2016-2022 جىلدارى ەدٸلەت مينيسترٸ بولعان. ول قاندى قاڭتار وقيعاسىنان سوڭ قىزمەتٸنەن بوساتىلىپ, كەيٸن پرەمەر-مينيستردٸڭ كەڭەسشٸسٸ قىزمەتٸنە تاعايىندالعان ەدٸ. بٸراق ول كەڭەسشٸ قىزمەتٸنەن بٸر جىلدان كەيٸن كەتكەن.
