Burynǵy Májilis depýtaty, Qazaqstannyń eńbek sińirgen ártisi Bekbolat Tileýhan jýrnalist Aman Tasyǵanǵa bergen suhbatynda otbasy men úsh jary týraly pikir bildirdi, dep habarlaidy dalanews.kz.
Suhbat barysynda ol bastapqyda jeke ómiri, jubailary men balalary týraly keńinen áńgimelegisi kelmegenin aitty. Degenmen jýrnalistiń saýaldaryna qysqasha jaýap berdi.
Bekbolat Tileýhannyń aitýynsha, anasy onyń úshinshi jaryn kórmegen, iaǵni onymen tanysyp úlgermegen.
«Tósegimdegi áńgimeni aitpai-aq qoiaiyqshy. Raýshan, Kenje, Janar – meniń balalarymnyń analary. Men olardy qurmetteimin. Bir nárse aitsam, balamnyń da, olardyń da, týystarynyń da kóńiline tiip ketýi múmkin», – dedi ol.
Jýrnalist odan ómirge qaita kelse, taǵy da úsh ret úilener me edi degen suraq qoiǵan.
Bekbolat Tileýhan buǵan óz ómir jolyn taǵdyrmen bailanystyra jaýap berdi.
«Bul – meniń taǵdyrym. Ekinshi ret ómirge kelsem de osy jolmen júrer edim degen sóz bar ǵoi. Alla taǵala imandy, qazaqtyń jaqsy qyzdaryn maǵan jar etti. Árqaisynyń óz orny bar», – dedi ol.
Suhbat barysynda eks-depýtat balalarynyń ózge ult ókilimen shańyraq kóterýine qarsy emes ekenin de aitty. Alaida onyń pikirinshe, bolashaq jarynyń musylman bolǵany mańyzdy.
Sonymen qatar ol balanyń mamandyq tańdaýyna nemese dini kózqarasyna ata-ananyń tolyq yqpal etýi múmkin emes ekenin moiyndady.
