Almatyda áýe apatynyń jalǵyz kýágeri – ushqysh Meıirjan Moldaqulovtyń denesi jer qoınyna tapsyryldy. 54 jastaǵy azamatty aqtyq saparǵa áriptesteri, dostary men jaqyndary shyǵaryp saldy. Ushqyshtyń jerleý rásimine kelgen Bek Air basshysy Nurlan Jumasultanovqa tilshiler bir-eki aýyz suraq qoıýýǵa umytylǵanda ol aldy-artyna qaramaı tura qashty, – dep habarlaıdy KTK arnasy.

Al qaraly jıynǵa qatysqandar marqumdy óz isin súıetin eńbekqor ári aqkóńil adam bolǵan dep eske aldy.

– Meıirjan Moldaqulov mektep birigen soń Aqtóbeniń ushqyshtar ýchılıshesin oqýǵa tústi. Sodan ushqysh boldy. Almatyda qansha jyldan beri ushqysh bolyp tabysty jumys istedi. Jumysyn qatty jaqsy kórýshi edi. Otbasyna adal, bala-shaǵasyna qaraıtyn. Jora-joldasqa da adal jigit boldy, – dep marqumnyń Nurjamal Qasymova oıyn ortaǵa saldy.

Meıirjan Moldaqulov ushaq apatynan keıin basynan, jambasy men omyrtqasynan aýyr jaraqat alǵan. Keıin oǵan birneshe ota jasalyp, dárigerler ushqyshty úıine jibergen bolatyn.

Alaıda aýrýhanadan jazylyp shyqqan azamat arada apta ótpeı qaıtys boldy. Marqumnyń artynda jubaıy men eki qyzy qaldy. Bul otbasyna Bek Air tarapynan kómek kórsetile me, ol jaǵy ázirge belgisiz.

Kompanıa basshysy Nurlan Jumasultanov suraq qoıǵan tilshilerdi ıterip, aldy-artyna qaramaı tura qashty.