Reseidegi Eýraziia halyqaralyq ýniversitetiniń rektory Konstantin Klimenko Telegram jelisiniń negizin qalaýshy Pavel Dýrovty Nobel syilyǵyna usyndy, dep habarlaidy Dalanews.kz.
Klimenko bul týraly óziniń Telegram-kanalynda jazdy.
“Pavel Dýrovtyń qamalǵanyna tańǵaldym. Oǵan negizsiz aiyp taǵý aqylǵa qonymsyz. Mundai jaǵdaida nege as úi pyshaqtaryn shyǵaratyn frantsýz zaýyttaryna aiyp taqpaidy? Ony qylmyskerler adam óltirý maqsatynda jáne terrorlyq shabýyldar úshin jii paidalanady.
Afrikada atom jáne neitron bombalarynyń synaq jarylystaryn ótkizýge kináli Frantsiianyń birde-bir sheneýnigi nege jaýapqa tartylmaǵan? Frantsiia Afrikada elý iadrolyq jarylys jasady. Iadrolyq synaqtardan keiin milliondaǵan adam radioaktivti infektsiiaǵa ushyrady, ǵasyrlar boiy ekologiiaǵa onyń zardaby tidi. Bul adamdardyń qaterli isikke shaldyǵýyna ákeldi. Osy qylmystar úshin kim jazalanady? Atom qarýyn oilap tapqan ǵalymdardy eshkim jaýapkershilikke tartýǵa daiyn emes”, - deidi ol.
Osy tusta ol Dýrovty jańa tsifrlyq dáýirdiń kóshbasshysy ekenin atap ótti.
“Men Pavel Dýrovty erekshe tulǵa dep sanaimyn. Ol - jańa tsifrlyq dáýirdiń kóshbasshysy. Meniń oiymsha, Dýrov Nobel syilyǵyna laiyq. Sondyqtan men Pavel Dýrovqa Nobel syilyǵyn berý týraly Nobel komitetine resmi ókildik jiberdim.
Bul usynysty Aziia men Afrika elderiniń birqatar ýniversiteti men qoǵamdyq uiymdarynyń ókilderi qoldady", - deidi ol.
Sonymen qatar Klimenko Dýrovty Dýbai investitsiialyq forýmyna spiker bolýǵa shaqyrǵan.
"Osy uiymdastyrý komitetiniń tóraǵasy retinde BRIKS-ke Paveldi atalmysh forýmnyń qurmetti qonaǵy jáne spikeri bolýǵa shaqyrdym. Shaqyrýdy qaitaryp almaimyn. Eger frantsýz biligi Dýrovty túrmeden shyǵarmasa, onda Pavel Dýrovqa BRIKS forýmyna qashyqtan qatysýǵa múmkindik beriledi”, - dep jazdy Klimenko.
