Be Woman Asia forýmy saiasattan tys joba bolyp qala beredi. Bul týraly forýmnyń uiymdastyrý komiteti áleýmettik jelilerde talqylanǵan jekelegen pikirlerge qatysty resmi málimdeme jasady, dep habarlaidy Dalanews.kz.
«Keibir spikerdiń aitqan pikiri forýmnyń, uiymdastyrýshylar men qatysýshylardyń ustanymyn bildirmeidi. Be Woman Asia – saiasattan tys alań. Bizdiń basty missiiamyz – Ortalyq Aziia áielderiniń damý jáne yntymaqtastyq platformasyn qurý», – delingen habarlamada.
Biylǵy forýmǵa 3000 qatysýshy, 100 spiker jáne 50 mentor qosylǵan. Uiymdastyrýshylardyń aitýynsha, árbir spikermen aldyn ala brifing ótkizilip, kelisimshart jasalady. Qujatta Qazaqstan zańnamasyn buzatyn nemese forým bedeline nuqsan keltiretin sózder men áreketterge jol bermeý mindeti bekitilgen.
«Forým tikelei efirde, ashyq formatta ótedi. Ókinishke qarai, bir spikerdiń sózi reglamentten shyǵyp ketti. Bul Be Woman Asia qundylyqtaryna jáne jobanyń missiiasyna qaishy keledi. Biz forýmnyń saiasilanýyna qarsymyz, basty maqsatymyz – ózara qurmet, yntymaqtastyq jáne dialog», – dep atap ótti uiymdastyrýshylar.
Forýmdy uiymdastyrý komiteti aldaǵy ýaqytta moderatsiia men reglamentti baqylaýdy kúsheitip, spikerlermen túsindirý jumystaryn arttyratynyn habarlady.
«Jekelegen qatysýshynyń pikirin forýmdy uiymdastyrǵan júzdegen adam men seriktesterdiń eńbegimen bailanystyrmaýdy suraimyz. Bizdiń maqsatymyz – bóliný emes, birigý», – delingen málimdemede.
