Ulttyq bank bazalyq mólsherlemege qatysty sheshim shyǵardy, dep habarlaidy Dalanews.kz.
Qazaqstan Respýblikasy Ulttyq Bankiniń Aqsha-kredit saiasaty jónindegi komiteti bazalyq mólsherlemeni jyldyq 16,50% deńgeiinde belgiledi. Paiyzdyq dáliz +/- 1,0 p.t. qurady.
Sheshim qabyldanǵanda naqty derekterdi, jańartylǵan boljamdar men infliatsiialyqtáýekelderdiń balansyn baǵalaý barysy eskerilgen. Baǵanyń aǵymdaǵy ósý qarqyny joǵary deńgeige jetip keledi. Bul óz kezeginde aqsha-kredit sharttaryn aitarlyqtai jeńildetedi. Sondyqtan infliatsiianyń ósý táýekelin azaitý úshin belsendi ári pármendi sharalar qajet.
Infliatsiianyń barlyq kórsetkishinde ósý baiqalady. Jyldyq infliatsiia aqpanda 9,4%-ǵa deiin jedeldedi. Barlyq komponent boiynsha baǵanyń ósý qarqyny jedeldegeni baiqalady. Ásirese qyzmetter baǵasynyń ósýi aitarlyqtai úles qosyp otyr. Aqpanda ailyq infliatsiia edáýir ósip, ortasha tarihi dinamikadan aitarlyqtai asyp tústi. Ailyq bazalyq jáne maýsymdyq faktorlardan tazartylǵan infliatsiia kórsetkishterinen (tiisinshe, aqpanda bir jylǵa eseptegende – 14,2% jáne 16,9%) fiskaldyq yntalandyrý jáne tutynýshylyq kredit berýdiń (2024 jyldyń qorytyndysy boiynsha jylma-jyl 33,5% ósim) shamadan asyp ketýjaǵdaiynda ishki suranys jaǵynan qysymnyń aitarlyqtai údegeni kórinedi. Sonymen birge aqpanda halyqtyń infliatsiialyq kútýleri taǵy da 13,7%-ǵa deiin ósti.
Reseide infliatsiia qarqyn ala túskendikten, syrtqy sektordyń baǵaǵa áseri kúsheidi. 2024 jylǵy jeltoqsannan bastap birshama tómendegenine qaramastan, álemdegi azyq-túlik baǵasy áli de joǵary deńgeide. Qazirgi ýaqytta baǵanyń jahandyq ósýi ornyqty bolyp otyr. Infliatsiialyq jáne geosaiasi táýekelder saqtalýda jáne olar ortalyq bankterdiń qatań aqsha-kredit saiasaty men ritorikasyna negiz boldy.
