Atalmysh arna Asaiyn Qýandyqulynyń jeke basyna, tazalyǵy men adaldyǵyna qatysty eshqandai suraq joq ekenin jetkizdi. Onyń sheshimderinde jemqorlyq faktileri baiqalmaǵan.
”Áńgime basqada. Pavlodar óndiristik, tehnogendik problemalary bastan asatyn alyp óńir. Bul jaqta barlyq máseleni sheship, apattardy boldyrmai otyrý úshin biznesmenderdi bosańsytpaityn, bárin judyryǵynda ustap otyratyn avtoritet, saiasi "tiajeloves" kerek. Sońǵy ret Qanat Bozymbaev sondai figýra bolǵan. Bozymbaev ketkeli Pavlodarǵa tiajelovester tabylmai júr.
Bozymbaev kezinde Pavlodarda alyp zaýyttary bar Mashkevichterdi bir qońyraýmen jinap, ózderine artylǵan jaýapkershilik salmaǵyn sezindiretin. Asaiyn Baihanov oblysqa 2022 jyldyń aiaǵynda keldi. Biraq Pavlodardyń jer asty bailyǵyn soryp jatqan oligarh kásipkerler Baihanov bar ma, joq pa, múlde elemeidi jáne bilgenin jasai bastady.
Mysaly, ishinde adam toly avtobýs qulap ketken Maiqaiyndaǵy rýdnikke ie kompaniia Kiprdegi offshorda, Serbiia azamatyna tirkelgen. Naqty qojaiyny kim? Altyn qazatyn rýdnikte esh qaýipsizdik erejeleri saqtalmaǵan. Olar qazǵan qýystaryna tsement quiýy kerek edi. Ákimdik ózimen-ózi otyra bergen soń, ákim talap etpegennen keiin oligarhtar da artyq shyǵyn shyǵarmai, barynsha paida soryp, qaýipsizdikti tárk etýge úirenip alǵan” - dep jazylǵan Dalainside telegram arnasy usynǵan málimette.
Arnanyń habarlaýynsha, "Maiqaiyn altyn" rýdnikteri siiaqty apattar Pavlodar oblysynyń basqa da óndiristik oshaqtarynda bolýy múmkin. Sol sebepti, bul jaqqa sózi ótetin, sharýaqor, saiasi salmaǵy bar kandidat izdestirilýde.
Asaiyn Baihanovtyń aýyl sharýashylyǵy salasynda biliktiligi myqty. Sondyqtan ony óńirdiń aýyl sharýashylyǵy salasyn damytý boiynsha paidalaný ideialary da aityldy. Oǵan Asaiyn Qýandyquly kelise me? Ol jaǵy belgisiz.
