"Báiterek" Ulttyq holdingi kúni keshe qurylatyny málim bolǵan Venchýrlyq investitsiialar qorlary qoryna 30 mln dollar investitsiia salatyny belgili boldy, dep jazady Dalanews.kz.
Bul týraly Bloomberg-te jariialanǵan Tsifrlyq damý ministri Jaslan Mádievtiń suqbatynan belgili boldy.
Aita ketsek, bir kún buryn Úkimet Qazaqstanda Venchýrlyq investitsiialar qorlary qory qurylatynyn jariialady. Ol venchýrlyq qorlarǵa qarajat salady, al olar óz kezeginde startaptardy qarjylandyrady dep boljanady. Basylymnyń málimetinshe, Qazaqstan 2025 jyldyń birinshi jartyjyldyǵynda jańa qorǵa aqsha tarta bastaidy. Jeke investorlar qazirdiń ózinde 90 million dollardan astam qarajat berýge aldyn-ala kelisimin berip úlgeripti.
Qazirgi ýaqytta Qazaqstan Taiaý Shyǵys qorlarymen jáne álemdik qarjy institýttarymen kelissózder júrgizýde. Jalpy, úkimet 1 mlrd dollar investitsiia tartýdy maqsat etedi.
Qordy atalǵan ministrliktiń bólimshesi basqarady. Mádiev aitqandai, jalpy somanyń 30%-y Ortalyq Aziia jáne Kavkaz aimaqtaryna investitsiialanady, al qalǵan qarajat AQSh-ta jáne basqa da halyqaralyq naryqtarda ornalastyrylady.
"Biz finteh, medteh jáne jasandy intellekt siiaqty aimaqtaǵy startaptardyń Qazaqstanǵa kelýin qalaimyz", - degen Jaslan Mádiev telefon arqyly bergen suqbatynda.
Ministr jańa qor startaptardyń ishindegi eń jaqsysyn "alpaýytqa" ainaldyrýǵa kómektesetinin aitty. Bul - quny 1 mlrd-tan asatyn kompaniialar. Ázirge, Qazaqstanda ondailar joq, biraq úkimet 2029 jylǵa qarai osyndai bes kompaniiany qurýdy jáne IT-eksportty 5 5 mlrd dollarǵa deiin ulǵaitýdy maqsat etip otyr.
Degenmen qarjygerlerdiń bir bóligi biýdjet tapshylyǵy jaǵdaiynda qabyldanǵan bul sharany túsine almai dal. Óitkeni 2025 jyl - elimiz úshin ekonomikalyq turǵydan aýyr bolmaq, mamandar bul jyly Qazaqstan úsh daǵdaryspen betpe-bet keletinin eskertken.
