Baıqońyrdyń qazaq mektepteri qazaqstandyq standartqa kóshedi

Dalanews 06 qar. 2014 23:38 134

Bul týraly búgin Qyzylorda oblysynyń ákimi Q.Kósherbaev QR Prezıdenti janyndaǵy Ortalyq komýnıkasıalar qyzmetinde ótken baspasóz máslıhatynda málimdedi.

«Baıqońyr qalasyndaǵy bizdiń mektepterimizdi qazaqstandyq standartqa kóshirý máselesi de oń sheshimin tabýda. Jyl aıaǵyna deıin Reseı jáne Qazaqstan bilim jáne ǵylym mınıstrlikteri arasynda barlyq qajetti qujattarǵa qol qoıylady degen senimdemin. Sóıtip 2015-2016 oqý jylynan bastap baıqońyrlyq mektepter bizdiń elimizdiń standarty boıynsha jumys isteıtin bolady», - dedi Qyzylorda oblysynyń ákimi Q.Kósherbaev.

Qazirgi tańda QR aımaqtyq damý mınıstrligi Baıqońyr qalasy men Tóretam kenti jáne Aqaı aýyldyq okrýgin áleýmettik-ekonomıkalyq damytýdyń keshendi josparyn bekitý jónindegi Qazaqstan Respýblıkasy Úkimetiniń qaýlysyn daıyndaýda.

 

Usynylǵan
Sońǵy jańalyqtar
x