«بايقوڭىر قالاسىنداعى ءبىزدىڭ مەكتەپتەرىمىزدى قازاقستاندىق ستاندارتقا كوشىرۋ ماسەلەسى دە وڭ شەشىمىن تابۋدا. جىل اياعىنا دەيىن رەسەي جانە قازاقستان ءبىلىم جانە عىلىم مينيسترلىكتەرى اراسىندا بارلىق قاجەتتى قۇجاتتارعا قول قويىلادى دەگەن سەنىمدەمىن. ءسويتىپ 2015-2016 وقۋ جىلىنان باستاپ بايقوڭىرلىق مەكتەپتەر ءبىزدىڭ ەلىمىزدىڭ ستاندارتى بويىنشا جۇمىس ىستەيتىن بولادى»، - دەدى قىزىلوردا وبلىسىنىڭ اكىمى ق.كوشەربايەۆ.
قازىرگى تاڭدا ق ر ايماقتىق دامۋ مينيسترلىگى بايقوڭىر قالاسى مەن تورەتام كەنتى جانە اقاي اۋىلدىق وكرۋگىن الەۋمەتتىك-ەكونوميكالىق دامىتۋدىڭ كەشەندى جوسپارىن بەكىتۋ جونىندەگى قازاقستان رەسپۋبليكاسى ۇكىمەتىنىڭ قاۋلىسىن دايىنداۋدا.
