4 jylǵa sottalǵan Baqytjan Baıjanovqa raqymshylyq jasaldy, dep habarlaıdy Dalanews.kz.
Aqmola oblystyq sotynyń baspasóz qyzmeti bul aqparatty rastaǵan. BaqytjanBaıjanov qashan bostandyqqa shyǵatyny naqty aıtylmaǵan.
"Astana polısıasynyń aqparatyna sáıkes Baqytjan Baıjanov 2023 jyldyń 12 qarashasynda qamaýǵa alynǵan. Sol ýaqyttan 2024 jyldyń shildesine deıin ol tergeý ızolátorynda otyrdy. Izolátordaǵy bir kún túzeý mekemesindegi 1,5 kúnge esepteledi. Raqymshylyq kezinde Baıjanovtyń merzimi shamamen 8 aıǵa qysqarýy múmkin. Osylaısha, aldyn ala esepteýimiz boıynsha, Qýandyq Bıshimbaevtyń inisi 2026 jyldyń qazanynda bostandyqqa shyǵýy yqtımal", - dep jazylǵan Tengrinews.kz málimetinde.
Eske salaıyq, buǵan deıin Stepnogorsk qalalyq soty Bahytjan Baıjanovtyń amnıstıaǵa iligý týraly ótinishin qanaǵattandyrdy. Ol bul ótinishin Qazaqstan Konstıtýsıasynyń 30 jyldyǵyna oraı jazǵan.
