Báidibek aýdanynda jedel-izdestirý is-sharalary barysynda politsiia qyzmetkerleri mal urlyǵyna jáne zańsyz qarý saqtaýǵa kúdikti eki aǵaiyndyny ustady, dep habarlaidy Dalanews.kz.
Túrkistan oblysy politsiia departamenti málimetinshe, kúdiktiler aýdan aýmaǵyndaǵy aýyldardyń birinen úsh bas siyrdy urlap, olardy kórshiles aýdanda satyp úlgergen. Qylmys dron kómegimen tirkelip, bul politseilerge kúdiktilerdiń izine jedel túsýge múmkindik bergen.
Kúdiktiler sol kúni turǵylyqty mekenjailary boiynsha ustaldy. Tintý barysynda alty bas mal, ańshylyq myltyq jáne ózge de aiǵaqty zattar tárkilendi. Sonymen qatar urlanǵan maldy satyp alǵan azamat ta anyqtaldy. Ol Ordabasy aýdanynyń turǵyny bolyp shyqqan.
Qazirgi ýaqytta atalǵan derek boiynsha sotqa deiingi tergeý júrgizilip jatyr. Kúdiktilerdiń osyǵan uqsas basqa da qylmystarǵa qatysy bar-joǵy tekserilýde.
