Atalǵan jer paidalanýshylar QR Jer kodeksiniń 140 babynyń talaptaryn buzyp, iaǵni jerdi zańsyz búldirip, jerdiń qunarly qabatyn buzyp, sydyryp alyp qorshaǵan ortaǵa ziian keltirýde.
Olarǵa QR Ákimshilik quqyq buzýshylyq kodeksiniń 337-babyna sáikes, qorshaǵan ortaǵa keltirgen ziian somasy mólsherinde aiyppul salynyp, jerleri sot arqyly májbúrlep memleketke qaitarylady. Bul týraly búgin Báidibek aýdanyndaǵy press-týr aiasynda Túrkistan oblysynyń jer inspektsiiasy basqarma basshysynyń mindetin atqarýshy Altynbek Myrzaev málimdedi.
Sonymen qatar, QR Ekologiialyq kodekstiń 5-babynyń 7-tarmaǵy, 95-babynyń 7 tarmaǵy jáne 108-babynyń 2-tarmaǵyna sáikes, qorshaǵan ortany qorǵaý salasyndaǵy ýákiletti organnyń laýazymdy adamdary qorshaǵan ortaǵa zalal keltirý faktisin anyqtap, qajetti materialdardy jinaý men taldaýdy júrgizedi.
Sondai-aq, keltirilgen zalalǵa ekonomikalyq baǵalaýdy belgileidi jáne 117-baptyń 8-tarmaǵyna sáikes, tulǵalardy ákimshilik nemese qylmystyq jaýapqa tartý týraly materialdardy tiisti organdarǵa joldaidy.
Qorshaǵan ortaǵa keltirilgen shyǵyn qunynyń mólsherine bailanysty Qylmystyq kodekstiń 333-babyna sáikes, qylmystyq jaýapkershilike tartylý kózdelgen. Sonymen qatar, zańsyz jer paidalanýshylarmen qazylǵan jerlerdi qalpyna keltirý úshin rekýltivatsiia júrgiziletin bolady.
