"Baian Sulý" konditerlik fabrikasy aktsionerleriniń quramynda ózgerister boldy. Bul týraly aqparat 28 qazanda belgili boldy, dep habarlaidy Dalanews.kz.
Qazaqstan qor birjasynyń saityna kompaniia aktsionerler tizilimi júiesindegi aqparattyń úzindi qaǵazyn ornalastyrdy. Onda 2024 jylǵy 21 qazandaǵy jaǵdai boiynsha "Tobyl "ÁKK" AQ "Baian Sulý"AQ aktsiialarynyń 5% -na ielik etkeni kórsetilgen.
Sondai-aq taǵy eki iri aktsionerdiń úlesi: "KazFoodProducts" JShS-nyń aktsiiasy 88,9%-dan 85,06%-ǵa deiin jáne "Baian Sulý" basqarma tóraǵasy bolyp tabylatyn Timýr Sadyqovtyń aktsiiasy 5,23%-dan 5%-ǵa deiin qysqarǵan.
Kompaniianyń baqylaýshy qojaiyny KazFoodProducts, iaǵni Erlan Baimuratov bolyp qala bermek (2024 jylǵy Forbes Kazakhstan TOP-75 biznesmeni reitinginde 65-shi oryn). Shilde aiynda atalǵan kásipkerdiń "Baian Sulý" direktorlar keńesiniń quramynan shyqqany belgili, biraq onyń sebebi sol kúii naqtylanbaǵan. Joǵaryda atalǵan tizilimge sáikes, kompaniianyń jariialanǵan jai aktsiialarynyń jalpy sany 100 mln danany quraidy, onyń ishinde 80 mln danasy birjaǵa ornalastyrylǵan.
"Tobyl" áleýmettik-kásipkerlik korporatsiiasy" AQ saitynda jariialanǵan aqparatqa súiensek, onyń 2010 jylǵy 31 jeltoqsanda Qostanai oblysynyń aýmaǵynda tirkelgeni jáne Óńirlik damý institýty retinde áreket etetini belgili. ÁKK-niń jalǵyz aktsioneri Qostanai oblysy ákimdigi atynan memleket bolyp tabylady. Basqarma tóraǵasy bolyp oblys ákiminiń burynǵy orynbasary Erlan Spanov tirkelgen.
"Baian Sulý" AQ 1993 jyly 30 qyrkúiekte quryldy. Konditerlik fabrikanyń tórt filialy bar, onyń úsheýi Qazaqstanda jáne bir filialy Reseide tirkelgen.
2023 jyldyń qorytyndysy boiynsha "Baian Sulý" 2,8 mlrd teńge tabys tapty (2022 jyly – 4,6 mlrd teńge). Kompaniianyń jiyntyq aktivteri 2024 jyldyń basynda 52,9 mlrd teńgeni, jiyntyq mindettemeleri 23,6 mlrd teńgeni qurady. Menshikti kapital 29,3 mlrd teńge kóleminde qalyptasqan.
