"بايان سۇلۋ" كونديتەرلىك فابريكاسى اكسيونەرلەرىنىڭ قۇرامىندا وزگەرىستەر بولدى. بۇل تۋرالى اقپارات 28 قازاندا بەلگىلى بولدى، دەپ حابارلايدى Dalanews.kz.
قازاقستان قور بيرجاسىنىڭ سايتىنا كومپانيا اكسيونەرلەر ءتىزىلىمى جۇيەسىندەگى اقپاراتتىڭ ءۇزىندى قاعازىن ورنالاستىردى. وندا 2024 جىلعى 21 قازانداعى جاعداي بويىنشا "توبىل "اكك" اق "بايان سۇلۋ"اق اكسيالارىنىڭ 5% -نا يەلىك ەتكەنى كورسەتىلگەن.
سونداي-اق تاعى ەكى ءىرى اكسيونەردىڭ ۇلەسى: "KazFoodProducts" جشس-نىڭ اكسياسى 88،9%-دان 85،06%-عا دەيىن جانە "بايان سۇلۋ" باسقارما ءتوراعاسى بولىپ تابىلاتىن تيمۋر سادىقوۆتىڭ اكسياسى 5،23%-دان 5%-عا دەيىن قىسقارعان.
كومپانيانىڭ باقىلاۋشى قوجايىنى KazFoodProducts، ياعني ەرلان بايمۇراتوۆ بولىپ قالا بەرمەك (2024 جىلعى Forbes Kazakhstan توپ-75 بيزنەسمەنى رەيتينگىندە 65ء-شى ورىن). شىلدە ايىندا اتالعان كاسىپكەردىڭ "بايان سۇلۋ" ديرەكتورلار كەڭەسىنىڭ قۇرامىنان شىققانى بەلگىلى، ءبىراق ونىڭ سەبەبى سول كۇيى ناقتىلانباعان. جوعارىدا اتالعان تىزىلىمگە سايكەس، كومپانيانىڭ جاريالانعان جاي اكسيالارىنىڭ جالپى سانى 100 ملن دانانى قۇرايدى، ونىڭ ىشىندە 80 ملن داناسى بيرجاعا ورنالاستىرىلعان.
"توبىل" الەۋمەتتىك-كاسىپكەرلىك كورپوراسياسى" اق سايتىندا جاريالانعان اقپاراتقا سۇيەنسەك، ونىڭ 2010 جىلعى 31 جەلتوقساندا قوستاناي وبلىسىنىڭ اۋماعىندا تىركەلگەنى جانە وڭىرلىك دامۋ ينستيتۋتى رەتىندە ارەكەت ەتەتىنى بەلگىلى. اكك-نىڭ جالعىز اكسيونەرى قوستاناي وبلىسى اكىمدىگى اتىنان مەملەكەت بولىپ تابىلادى. باسقارما ءتوراعاسى بولىپ وبلىس اكىمىنىڭ بۇرىنعى ورىنباسارى ەرلان سپانوۆ تىركەلگەن.
"بايان سۇلۋ" اق 1993 جىلى 30 قىركۇيەكتە قۇرىلدى. كونديتەرلىك فابريكانىڭ ءتورت فيليالى بار، ونىڭ ۇشەۋى قازاقستاندا جانە ءبىر فيليالى رەسەيدە تىركەلگەن.
2023 جىلدىڭ قورىتىندىسى بويىنشا "بايان سۇلۋ" 2،8 ملرد تەڭگە تابىس تاپتى (2022 جىلى – 4،6 ملرد تەڭگە). كومپانيانىڭ جيىنتىق اكتيۆتەرى 2024 جىلدىڭ باسىندا 52،9 ملرد تەڭگەنى، جيىنتىق مىندەتتەمەلەرى 23،6 ملرد تەڭگەنى قۇرادى. مەنشىكتى كاپيتال 29،3 ملرد تەڭگە كولەمىندە قالىپتاسقان.
