Toi qashan?
Tursynǵali Alagózov: Biz bul máseleni sheship qoiǵanbyz. Al dostarmen, týystarmen dastarhan basyna jinalýǵa kelsek — menińshe, kóktemge qarai. Kóktemde, mamyrda toilaimyz dep oilaimyn.
«Men de adammyn ǵoi»
Baian Esentaeva: Men de qarapaiym adammyn. Jaqsy kórmeýge de, jaqsy kórýge de quqym bar. Ózge áielderden aiyrmashylyǵym joq. Ózimdi eshqashan úlgi dep atamaǵanmyn. Qoǵam bolsa adal áiel, jaqsy ana, adal, batyl, tártipti bolý kerek degen túsinikterdi ustanýym kerek dep esepteidi. Biraq meniń de qatelesýge quqyǵym bar. Isimniń durys-burystyǵyn eshkim de bilmeidi. Men essiz unatyp, miymdy rettemegen bolyp shyqtym. Alaida keide sananyń júrekke baǵynbaityn sátteri bolady, al munyń aldynda bári de kerisinshe edi. Ertede men árbir qadamymdy eseptep, oilastyratynmyn. Isimniń barlyǵy da tarazylanatyn edi. Al endi 42 jasymda osyndai jaǵdai bolyp otyr, óz-ózimdi toqtata almai, ne bolyp jatqanyn da túsindire almaityn jaǵdai.
Qalai tanystyq?
Baian Esentaeva: Jumys babymen júrip tanystyq. Qurbym telefon shalyp, «Analar úii» jaily serial túsirgisi keletin metsenat jigitter jaily aitty. Dym da túsinbedim. Sondyqtan birden kelisim bermedim. Maǵan «ótinemin, jigitter telefon soǵady, Tursyn degen» dedi. Kelisim berdim. Osy kezde qońyraý shalyndy. Qulaqqa jaǵymdy er adam daýsy, ádeppen sóilesti. Ádettegidei saǵat túski ekide kezdesýge kelisim berdim. Bul ótken jyldyń naýryzy bolatyn. Kezdesýdi túske deiingi ýaqytqa qoimaityn edim. Tursyn kómekshisimen keldi. Áńgime barysynda qalai serial túsirý kerek ekeni jaiynda keńes surady. Qandai tehnologiiany qoldanýǵa bolatynyn aityp berdim. Iskerlik kezdesý boldy.
«Burynǵy kúieýimmen áńgimemiz taýsylǵan edi»
Baian Esentaeva: Iá, shyn máninde birge boldyq, muny jasyrǵan da joqpyn, biz ótken jyldyń kókteminde tanystyq. Men turmysta edim. Biraq men turmystaǵy ómirim jaily, ajyrasqym kelgeni jaily osyǵan deiin de aitqanmyn. Munda meniń jeke ómirim jaily áńgime bolǵan joq. Iskerlik kezdesý boldy, eshkimde «is nasyrǵa shabady» degen oi bolmady. Sosyn Tursyn maǵan «Jaǵdaiyńyz qalai? Tis dárigerine qaraldyq» dep jazyp jiberdi. Sóitsek, ekeýmiz 20 jyl boiy bir tis dárigerine baryp júrippiz. Sosyn osylaisha áńgimemiz jarasyp ketti.
Tursynǵali ne deidi?
Tursynǵali Alagózov: Baianmen tanysqan kezimde men ajyraspaǵan edim. Qazir bolsa ajyrasý ústindemin. Bul nege uzaqqa sozylyp jatqan protses deitin shyǵarsyz, men — biznesmenmin, zań boiynsha bólinetin múlik bar, osyǵan bailanysty, bankterge bailanysty keibir máseleler boldy. Osynyń barlyǵyn aiaqtaýǵa ýaqyt kerek. Aqpannyń sońyna deiin másele sheshiledi dep oilaimyn. (…) Tanysqan adamdardyń 99 paiyzy nekede bolady. Bizdiń jaǵdaida da solai boldy.
BAHA…
Baian Esentaeva: Ol jasaǵan qylmysy úshin bostandyǵynan aiyryldy. Biraq eń qorqynyshtysy — adamdardyń onyń áreketin quptap, «durys istedi» dep jatqany. Iaǵni adamdar kózge shóp salǵan áieldi jazalaý kerek dep esepteidi, osyny qoldaidy. Demek nekedegi áieldiń barlyǵyn bireýdi unatyp qalǵany úshin jazalaiyq onda. Qoǵamnyń qylmyskerdi aqtap, durys istedi deýi — úrei týǵyzady. Pyshaq ala júgiretinderdi aqtaityn adamdar nege sonsha qatygez?
10 maýsym. Áýejai. Taksi…
Tursynǵali Alagózov: Men Baiandy úiine jetkizip salýdy usynǵanmyn. Baian qarsy bolyp, men ony taksige otyrǵyzyp jiberdim. Bul oqiǵa taksi júrgizýshisiniń kózinshe boldy. Ol birinshi kezekte quqyq qorǵaý organdaryna habarlasýy kerek edi. (…) Adamdardyń ásirese dymdy bilmei, túsinbei jatyp, qorlaý sóz aitatyny kóńilge tiedi. «Sen kinálisiń» dep, esh oilanbai aita salady.
…Sol kúni úige baryp, burynǵy áielime bar shyndyqty aittym — ajyrasý týraly sheshimimdi aittym.
Baian Esentaeva: 10 maýsymda atyshýly oqiǵa boldy. 3-4 ai boiy jurttyń aldyna shyǵa almadym, osy ýaqyt boiy shetelde boldyq…Tursyn batyldyǵyn menen buryn kórsetti. «Jasyrynǵanymyz jeter, «tanys emespiz» deýdi, áýejaidan bólek shyǵýdy toqtatamyz» dedi.
Endi Alagózovtiń jubaiy bolǵym keledi. Baian Alagózova bolǵym keledi. Eri men áieli bir bolýy kerek. Balaly bolyp jatsaq, sheshesi Esentaeva, ákesi Alagózov bolyp júrgenimizdi qalamaimyn.
Derekkóz: kaz.tengrinews.kz
Sýretter: kaz.tengrinews.kz saitynan alyndy
