Qyzyqsyzdar sizder, qıal áleminde ómir súresizder. Shyndyqty aıtýdan jáne kórsetýden qorqasyzdar. Qazaqtyń balalary qaıdan, qalaı týady osy? Osyny oılandyńyzdar ma? Men bir aı boıy Fransıada boldym. Kórgenimdi aıtaıyn. Adamdar bir-birine jaqsy kóretinin, yntyq ekenin aıtýdan uıalmaıdy. Bir-biriniń qoldarynan ustaıdy. Qysylmaı qushaqtasa beredi, aımalasady. Kózderine qymsynbaı qaraıdy.
Iá, bizdiń ulttyń bolmysy bólek. «Uıat» degen bar bizde. Osy «uıat» degen bále boldy. Biz bir-birimizdi jaqsy kórýden, qolymyzdan ustaýdan, qudaı betin ári qylsyn el aldynda ernimizben súıisýden qorqamyz. Bári «uıat bolady» degen sheńberge tireledi.
Biz erlermen tósekte aımalaspaımyz. Bizde er men áıel bólek uıyqtaıdy. Al balalarymyz óz-ózinen paıda bolady. Bizde jaqsy kórýge, yntyq bolýǵa bolmaıdy.
Serıaldardy erkek pen áıelderimizdi aımalasa qalsa synaı jónelemiz. Mundaı syn aıtýshylar, min taǵýshylar ómirdi túsinbeıdi. Al negizinde biz eń ótkir, ózekti máseleni kóterdik. Jetimder úıine baryńyz. Tastandy balalardyń 99 paıyzy – qazaqtar.
Nege bilesiz be? Sebebi biz mahabbat mádenıetin bilmeımiz. Sebebi, UIAT. Al bala mahabbattan týady. Biz bul týraly aıtýdan uıalmaýmyz kerek. Biz bul týraly aıtýymyz kerek. Balalar balalardyń qalaı paıda bolatynyn bilýi tıis. Áıtpese eseıgenge deıin olar qalaı, qaıdan paıda bolǵanyn bilmeı ótedi.
Mahabbat mádenıetin bilmeıtin bala otbasy áleminiń qanshalyqty kúrdeli dúnıe ekenin túsinbeıdi. Osy sebepti myńdaǵan tastandy bala qazirgi kúni jetimder úıinde kózderi jáýdirep otyr.
Derekkóz: kaz.365info.kz
