قىزىقسىزدار سىزدەر، قيال الەمىندە ءومىر سۇرەسىزدەر. شىندىقتى ايتۋدان جانە كورسەتۋدەن قورقاسىزدار. قازاقتىڭ بالالارى قايدان، قالاي تۋادى وسى؟ وسىنى ويلاندىڭىزدار ما؟ مەن ءبىر اي بويى فرانسيادا بولدىم. كورگەنىمدى ايتايىن. ادامدار بىر-بىرىنە جاقسى كورەتىنىن، ىنتىق ەكەنىن ايتۋدان ۇيالمايدى. ءبىر-بىرىنىڭ قولدارىنان ۇستايدى. قىسىلماي قۇشاقتاسا بەرەدى، ايمالاسادى. كوزدەرىنە قىمسىنباي قارايدى.
ءيا، ءبىزدىڭ ۇلتتىڭ بولمىسى بولەك. «ۇيات» دەگەن بار بىزدە. وسى «ۇيات» دەگەن بالە بولدى. ءبىز ءبىر-بىرىمىزدى جاقسى كورۋدەن، قولىمىزدان ۇستاۋدان، قۇداي بەتىن ءارى قىلسىن ەل الدىندا ەرنىمىزبەن سۇيىسۋدەن قورقامىز. ءبارى «ۇيات بولادى» دەگەن شەڭبەرگە تىرەلەدى.
ءبىز ەرلەرمەن توسەكتە ايمالاسپايمىز. بىزدە ەر مەن ايەل بولەك ۇيىقتايدى. ال بالالارىمىز وز-وزىنەن پايدا بولادى. بىزدە جاقسى كورۋگە، ىنتىق بولۋعا بولمايدى.
سەريالداردى ەركەك پەن ايەلدەرىمىزدى ايمالاسا قالسا سىناي جونەلەمىز. مۇنداي سىن ايتۋشىلار، ءمىن تاعۋشىلار ءومىردى تۇسىنبەيدى. ال نەگىزىندە ءبىز ەڭ وتكىر، وزەكتى ماسەلەنى كوتەردىك. جەتىمدەر ۇيىنە بارىڭىز. تاستاندى بالالاردىڭ 99 پايىزى – قازاقتار.
نەگە بىلەسىز بە؟ سەبەبى ءبىز ماحاببات مادەنيەتىن بىلمەيمىز. سەبەبى، ۇيات. ال بالا ماحابباتتان تۋادى. ءبىز بۇل تۋرالى ايتۋدان ۇيالماۋمىز كەرەك. ءبىز بۇل تۋرالى ايتۋىمىز كەرەك. بالالار بالالاردىڭ قالاي پايدا بولاتىنىن ءبىلۋى ءتيىس. ايتپەسە ەسەيگەنگە دەيىن ولار قالاي، قايدان پايدا بولعانىن بىلمەي وتەدى.
ماحاببات مادەنيەتىن بىلمەيتىن بالا وتباسى الەمىنىڭ قانشالىقتى كۇردەلى دۇنيە ەكەنىن تۇسىنبەيدى. وسى سەبەپتى مىڭداعان تاستاندى بالا قازىرگى كۇنى جەتىمدەر ۇيىندە كوزدەرى جاۋدىرەپ وتىر.
دەرەككوز: kaz.365info.kz
