"Túnergen sátten keıin árdaıym kún shyǵady! Men árdaıym biletinmin! Kúndi bulttarmen, naızaǵaımen, jańbyrmen jabýǵa bolady, biraq shyn máninde jarqyrasa, shýaǵy mindetti túrde syrtqa shyǵady! Duǵa tilep, qoldaý bildirgenderińiz úshin, meıirimderińiz úshin jáne túsinistikpen qaraǵandaryńyz úshin Sizderge alǵys aıtamyz! Meniń bar ómirim, bar úmitim, bar armanym tek jaqsylyqpen, meıirimdilikpen, jarqyn sáttermen baılanysty bolady! Sizderdiń duǵa-tilekterińizdiń arqasynda shyǵar, men áli de ómir súrgim keledi, súıgim keledi!", - dep jazdy Baıan Esentaeva Instagram jelisindegi paraqshasynda.
Sońǵy ret mamandar Baıan Esentaevanyń jaǵdaıy jaqsaryp kele jatqanyn habarlaǵan bolatyn. "Emdelýshi áli de jansaqtaý bóliminde jatyr. Jaǵdaıy jaqsaryp keledi. Ortasha aýyr dep aıtýǵa bolady", - dedi aýrýhananyń emdeý isi jónindegi dırektorynyń orynbasary Erbol Sársenbaev.
Eske salaıyq, belgili prodúser Baıan Esentaeva Talǵar aýdandyq ortalyq aýrýhanasyna 10 maýsym kúni jetkizilgen bolatyn. Boljam boıynsha, onyń kúıeýi - Baqytbek Esentaev Eńbekshi aýdanyndaǵy Qulja tas jolynyń boıynda ony soqqyǵa jyǵyp, pyshaq jaraqatyn alǵan. Er adam eki aıǵa qamaýǵa alyndy.
Derekkóz: kaz.tengrinews.kz
