Baian Esentaeva: Janjal eki taraptyń da kinási bolǵan soń týyndaidy
Bul týraly Astana arnasynyń “El aýzynda” baǵdarlamasynda aityldy.
Janar Duǵalova men Móldir Áýelbekovanyń toptan ne sebepti ketkenderi áli kúnge deiin belgisiz. Dese de, Baian Esentaeva olarmen qatty renjisip qalǵandaryn aityp jatyr. Munymen qatar, óziniń tarapynan da aǵattyq ketkenin jasyrmaidy.
“Biz Móldirmen de, Janarmen de renjisip aiyrylystyq. Pende bolǵan soń mundai dúnieler bolyp turady. Jer betinde ómirinde bireýmen renjisip kórmegen adam joq shyǵar. Biz tanymal adam bolǵandyqtan, jurttyń qulaǵyna túrpidei tidi. Bireý ádemi qoshtasyp jatady, endi biri alǵys aitýdy umytady. Meniń de kei jerde aiybym bolýy múmkin. Sebebi, kez kelgen janjal eki jaqtyń da aiyby bolǵan soń týyndaidy. Mundaida eki tarap birdei kináli bolady. Sondyqtan minezi syiyspaǵan adamdar osylai renjisedi”, – deidi Baian Esentaeva.
Dál qazir aýyr soqqydan keiin prodiýserdiń jaǵdaiy jaqsara bastaǵan. Ol qumdy jaǵalaýda demalyp, kásibi deńgeidegi fotosessiia da jasap úlgerdi. Ázirge jurtqa bet-júzin kórsetpedi.
Esterińizge sala ketsek, maýsymnyń 10-y kúni Baian Esentaevany kúieýi soqqyǵa jyǵyp, úsh jerinen pyshaqtaǵan bolatyn. Artynsha prodiýserge 3 saǵat boiy ota jasalyp,kúieýi Baqytbek Esentaev qamaýǵa alynǵan-dy. Qaiǵyly oqiǵa Talǵar aýdanyn trassasynda bolǵan. Prodiýser maýsymnyń 19-y kúni aýrýhanadan shyǵaryldy.
