Kitap jazýǵa áleýmettik jelidegi qaýymnyń ómirindegi sońǵy oqiǵany talqylap, túrli áńgime týǵyzyp, ábden yǵyryn shyǵarǵany sebep sekildi. Sondyqtan ol óz ómiriniń boiamasyz shyndyǵyn óz qolymen jazýdy durys dep taýypty.
Baian Maqsatqyzy áleýmettik jelidegi paraqshasynda qolǵa alǵan týyndysynyń alǵashqy jazbasynyń úzindisin de jariialap úlgerdi.
Ondaǵy dáiekke súiensek, Baian kishkentai kezinde de aýyr soqqyǵa jyǵylypty.
«Kózimdi ashsam, aýrýhanada ekenmin. Qai jerde ekenimdi, munda qalai tap bolǵanymdy, bútin óne-boiymnyń shydatpai nege aýyrsynatynyn alǵashynda men túsine almai, ańyryp birazǵa deiin jattym. Muny jaqyn adamym istegen sekildi ǵoi?.. Esime túsireiin desem, basym aýyryp, oǵan mursha bermedi, biraq ókirip turyp, jylaǵym keledi. Bir ýaqytta bári esime tústi.
Mundai jaitty buryn da basymnan bir ret keshken edim ǵoi. Ol kezde de týra osylai beitanys jerde kózimdi ashtym, saý-tamtyǵym qalmap edi ári onda da muny maǵan jaqyn adam istegen. Iá, ol kezde men jeti jasta edim. Bar-joǵy jarty saǵattyń ishinde búkil tisim saýdyrap túsip qalǵan… Joq, bulai bolmaidy, óitkeni eshteńe túsiniksiz. Sondyqtan bárin qaitadan basynan bastaiyn.
I-taraý. Bolady jáne Bolmaidy
I-bólim. Bári sen úshin…
Meniń jadymda saqtalǵan balalyq shaǵym týraly eń alǵashqy esteliktiń qai kúni, qai aida, qandai saǵatta bolǵanyna deiin bilemin».
