Bahreindegi qazaq qyzdaryn qalai qutqaramyz?
"Men myna jaqqa bir ai buryn keldim, meniń qujatymdy tartyp alyp, qonaq úide jumys isteýge májbúrlep jatyr. Aqshamdy da alyp qoidy. Týystarym meni joǵaldy dep aryz beredi. Biraq men joǵalǵan joqpyn, bailanystamyn. Tek eshqaida shyǵa almai, qapasta otyrmyn. Úsh apta boldy, tek bir qonaq úiden ekinshisine alyp barady. Olardyń ataýlaryn bilemin, sizdiń qyzyńyz solardyń birinde" − degen belgisiz boijetken.
Aýdiojazbanyń avtory Tagina Haitmetovanyń joǵalyp ketkeni týraly buqaralyq aqparat quraldary arqyly estipti. Ol da Bahreinge tabys tabamyn dep baryp, sońynda kúńge ainalǵan.
Aitýansha, Bahreinde qazaqstandyq qyzdardy jumysqa ornalastyramyz dep aldap shaqyryp, keiin jezókshelikpen ainalysýǵa májbúrleitin agenttik bar eken.
24 jastaǵy Taginany da dál sol uiym ustap otyrýy múmkin deidi anasy. Esterińizge salsaq, astanalyq Tagina Haitmetova Bahreinge jumys izdep baryp, iz-tússiz joǵalyp ketken bolatyn. Qyzdan 29-shy shildeden beri habar joq. Qazir ony elimizdiń diplomattary da izdestirýde.
Avtor: Jáýdir Orazhan
Derekkózi: KTK arnasy
