باحرەيندەگٸ قازاق قىزدارىن قالاي قۇتقارامىز?
"مەن مىنا جاققا بٸر اي بۇرىن كەلدٸم, مەنٸڭ قۇجاتىمدى تارتىپ الىپ, قوناق ٷيدە جۇمىس ٸستەۋگە مەجبٷرلەپ جاتىر. اقشامدى دا الىپ قويدى. تۋىستارىم مەنٸ جوعالدى دەپ ارىز بەرەدٸ. بٸراق مەن جوعالعان جوقپىن, بايلانىستامىن. تەك ەشقايدا شىعا الماي, قاپاستا وتىرمىن. ٷش اپتا بولدى, تەك بٸر قوناق ٷيدەن ەكٸنشٸسٸنە الىپ بارادى. ولاردىڭ اتاۋلارىن بٸلەمٸن, سٸزدٸڭ قىزىڭىز سولاردىڭ بٸرٸندە" − دەگەن بەلگٸسٸز بويجەتكەن.
اۋديوجازبانىڭ اۆتورى تاگينا حايتمەتوۆانىڭ جوعالىپ كەتكەنٸ تۋرالى بۇقارالىق اقپارات قۇرالدارى ارقىلى ەستٸپتٸ. ول دا باحرەينگە تابىس تابامىن دەپ بارىپ, سوڭىندا كٷڭگە اينالعان.
ايتۋانشا, باحرەيندە قازاقستاندىق قىزداردى جۇمىسقا ورنالاستىرامىز دەپ الداپ شاقىرىپ, كەيٸن جەزٶكشەلٸكپەن اينالىسۋعا مەجبٷرلەيتٸن اگەنتتٸك بار ەكەن.
24 جاستاعى تاگينانى دا دەل سول ۇيىم ۇستاپ وتىرۋى مٷمكٸن دەيدٸ اناسى. ەستەرٸڭٸزگە سالساق, استانالىق تاگينا حايتمەتوۆا باحرەينگە جۇمىس ٸزدەپ بارىپ, ٸز-تٷسسٸز جوعالىپ كەتكەن بولاتىن. قىزدان 29-شى شٸلدەدەن بەرٸ حابار جوق. قازٸر ونى ەلٸمٸزدٸڭ ديپلوماتتارى دا ٸزدەستٸرۋدە.
اۆتور: جەۋدٸر ورازحان
دەرەككٶزٸ: كتك ارناسى
