Qańtar oqiǵasynan keiin shetelge ketip qalǵan Almaty qalasynyń eks-ákimi Baýyrjan Báibek elge qaitý úshin Bas Prokýratýrany jaǵalai bastady deidi, DALA INSIDE derekkózi. Onyń sózinshe, Báibekke «eger elge qaitsa, ony qylmystyq jaýapkershilikke tartpaidy» degen naqty kepildik kerek siiaqty, - dep habarlaidy Dalanews.kz.
«Baýyrjan Báibekke eshkim Qazaqstanǵa oralýǵa tiym salǵan joq. Jáne quzyrly organdar onyń qylmystyq istiń orbitasynda joq ekenin habarlaǵan bolatyn. Biraq ol «qyzyl tizimge» ilinip qalýǵa qorqady. «Eski Qazaqstannyń» kóptegen yqpaldy tulǵalary qazir qyzyl tizimde bolǵandyqtan Qazaqstan aýmaǵyn tastap shyǵa almai, qorshaýda qalyp qaldy», - deidi, derekkóz.
Qyzyl tizimdegi adamdarǵa Qazaqstan aýmaǵyn tastap ketýge shekteý qoiylǵan. Iaǵni olar elden shyǵa almaidy. Olarǵa qatysty eshqandai qylmystyq is qozǵalmasa da, bolashaqta suraqtar týyndaýy múmkin degen pozitsiia bar. Sondyqtan Baýyrjan Báibek Qazaqstanǵa kelse, budan keiin shetelge shyǵa almai qalýy múmkin.
«Báibekke qyzyl tizimge ilinbeidi degen garantiiany eshkim bermeitin siiaqty. Bas Prokýratýranyń onymen bailanys ornatýǵa múlde nieti joq. Ulttyq qaýipsizdik komiteti de Báibekti kelissózder júrgizýge turatyn laiyqty tulǵa dep sanap otyrǵan joq. Basty sebebi – zańsyz aktivterdi qaitarý isinde Baýyrjan Báibekten memleketke eshqandai paida kelmeitindiginde dep oilaimyn», - dep túidi derekkóz.
Buǵan deiin arna Baýyrjan Báibektiń sońǵy jyldary Kiprde turaqtaǵanyn jazǵan edi. Biraq ol Eýropaǵa jii saparlap júr. Onyń shetelde kriptavaliýtamen ainalysyp kórgeni týraly insaid ta paida bolǵan. Baibekke qatysty qylmystyq is qozǵalyp jatsa, ol eki baǵytta júrýi múmkin. Birinshisi, «Stati daýy» boiynsha quryqtalyp, 9 jylǵa sottalǵan burynǵy Ádilet ministri Marat Beketaevtyń tergeýdegi birshama «pokazaniesi» Baýyrjan Báibekti quryqtyqtaýǵa sebep bola alady. Ekinshiden, onyń ákim bolǵan ýaqytynda Almatydaǵy baǵaly jer telimderin úlestirý boiynsha birshama potentsialdy jemqorlyq faktileri jinalyp qaldy. Qaýipsizdik komiteti kez kelgen ýaqytta bul faktilerdi qylmystyq iske ainaldyra alady.
