قاڭتار وقيعاسىنان كەيٸن شەتەلگە كەتٸپ قالعان الماتى قالاسىنىڭ ەكس-ەكٸمٸ باۋىرجان بەيبەك ەلگە قايتۋ ٷشٸن باس پروكۋراتۋرانى جاعالاي باستادى دەيدٸ, DALA INSIDE دەرەككٶزٸ. ونىڭ سٶزٸنشە, بەيبەككە «ەگەر ەلگە قايتسا, ونى قىلمىستىق جاۋاپكەرشٸلٸككە تارتپايدى» دەگەن ناقتى كەپٸلدٸك كەرەك سيياقتى, - دەپ حابارلايدى Dalanews.kz.
«باۋىرجان بەيبەككە ەشكٸم قازاقستانعا ورالۋعا تيىم سالعان جوق. جەنە قۇزىرلى ورگاندار ونىڭ قىلمىستىق ٸستٸڭ وربيتاسىندا جوق ەكەنٸن حابارلاعان بولاتىن. بٸراق ول «قىزىل تٸزٸمگە» ٸلٸنٸپ قالۋعا قورقادى. «ەسكٸ قازاقستاننىڭ» كٶپتەگەن ىقپالدى تۇلعالارى قازٸر قىزىل تٸزٸمدە بولعاندىقتان قازاقستان اۋماعىن تاستاپ شىعا الماي, قورشاۋدا قالىپ قالدى», - دەيدٸ, دەرەككٶز.
قىزىل تٸزٸمدەگٸ ادامدارعا قازاقستان اۋماعىن تاستاپ كەتۋگە شەكتەۋ قويىلعان. ياعني ولار ەلدەن شىعا المايدى. ولارعا قاتىستى ەشقانداي قىلمىستىق ٸس قوزعالماسا دا, بولاشاقتا سۇراقتار تۋىنداۋى مٷمكٸن دەگەن پوزيتسييا بار. سوندىقتان باۋىرجان بەيبەك قازاقستانعا كەلسە, بۇدان كەيٸن شەتەلگە شىعا الماي قالۋى مٷمكٸن.
«بەيبەككە قىزىل تٸزٸمگە ٸلٸنبەيدٸ دەگەن گارانتييانى ەشكٸم بەرمەيتٸن سيياقتى. باس پروكۋراتۋرانىڭ ونىمەن بايلانىس ورناتۋعا مٷلدە نيەتٸ جوق. ۇلتتىق قاۋٸپسٸزدٸك كوميتەتٸ دە بەيبەكتٸ كەلٸسسٶزدەر جٷرگٸزۋگە تۇراتىن لايىقتى تۇلعا دەپ ساناپ وتىرعان جوق. باستى سەبەبٸ – زاڭسىز اكتيۆتەردٸ قايتارۋ ٸسٸندە باۋىرجان بەيبەكتەن مەملەكەتكە ەشقانداي پايدا كەلمەيتٸندٸگٸندە دەپ ويلايمىن», - دەپ تٷيدٸ دەرەككٶز.
بۇعان دەيٸن ارنا باۋىرجان بەيبەكتٸڭ سوڭعى جىلدارى كيپردە تۇراقتاعانىن جازعان ەدٸ. بٸراق ول ەۋروپاعا جيٸ ساپارلاپ جٷر. ونىڭ شەتەلدە كريپتاۆاليۋتامەن اينالىسىپ كٶرگەنٸ تۋرالى ينسايد تا پايدا بولعان. بايبەككە قاتىستى قىلمىستىق ٸس قوزعالىپ جاتسا, ول ەكٸ باعىتتا جٷرۋٸ مٷمكٸن. بٸرٸنشٸسٸ, «ستاتي داۋى» بويىنشا قۇرىقتالىپ, 9 جىلعا سوتتالعان بۇرىنعى ەدٸلەت مينيسترٸ مارات بەكەتاەۆتىڭ تەرگەۋدەگٸ بٸرشاما «پوكازانيەسٸ» باۋىرجان بەيبەكتٸ قۇرىقتىقتاۋعا سەبەپ بولا الادى. ەكٸنشٸدەن, ونىڭ ەكٸم بولعان ۋاقىتىندا الماتىداعى باعالى جەر تەلٸمدەرٸن ٷلەستٸرۋ بويىنشا بٸرشاما پوتەنتسيالدى جەمقورلىق فاكتٸلەرٸ جينالىپ قالدى. قاۋٸپسٸزدٸك كوميتەتٸ كەز كەلگەن ۋاقىتتا بۇل فاكتٸلەردٸ قىلمىستىق ٸسكە اينالدىرا الادى.
